ഇൻഡോർ: മലയാളികള്‍ക്ക് അഭിമാനിക്കാന്‍ മിസ്റ്റര്‍ ഇന്ത്യപട്ടം സ്വന്തമാക്കി തിരുവനന്തപുരത്തുകാരന്‍. ഇന്ത്യന്‍ ബോഡി ബില്‍ഡേഴ്‌സ് ഫെഡറേഷന്‍ അഥാ ഐബിബിഎഫിന്റെ നാഷണല്‍ ചാമ്പ്യന്‍ഷിപ്പ് 2023 ലെ പാരാ ബോഡിബില്‍ഡിംഗ് കാറ്റഗറിയില്‍ മിസ്റ്റര്‍ ഇന്ത്യയായി തെരഞ്ഞെടുക്കപ്പെട്ടിരിക്കുന്നത് മലയാളിയായ അനീത് സുരേന്ദ്രനാണ്. മധ്യപ്രദേശില്‍ നടന്ന മത്സരത്തില്‍ പത്തോളം പാരാ ബോഡി ബില്‍ഡേഴ്‌സിനോട് മത്സരിച്ചാണ് അനീത് ഈ നേട്ടം സ്വന്തമാക്കിയിരിക്കുന്നത്. തിരുവനന്തപുരം മലയങ്കീഴ് ശാന്തമ്മൂല സ്വദേശിയാണ് അനീത്. തൊഴില്‍ വകുപ്പിലെ സീനിയര്‍ ക്ലര്‍ക്കായി ജോലി നോക്കുകയാണ് അനീത്. ഒരു വാഹനാപകടത്തിലാണ് അനീതിന് തന്റെ കാല്‍ നഷ്ടപ്പെട്ടത്.
Advertisements
