മഹേഷ് വെട്ടിയാർ സംവിധാനം ചെയ്ത് മഞ്ജു വാര്യരും സൗബിൻ ഷാഹിറും പ്രധാന കഥാപാത്രങ്ങളായി എത്തുന്ന ‘വെള്ളരിപട്ടണ’ത്തിന്റെ ട്രെയിലർ പുറത്തിറങ്ങി. കുടുംബ പശ്ചാത്തലത്തിൽ അരങ്ങേറുന്ന പൊളിറ്റിക്കൽ സറ്റയറാണ് സിനിമ. മാർച്ച് 24-ന് ചിത്രം തിയേറ്ററുകളിലെത്തും.
പഞ്ചായത്ത് മെമ്പർ കെ.പി. സുനന്ദയായി മഞ്ജുവാര്യർ ചിത്രത്തിൽ എത്തുന്നു. സഹോദരനായ കെ.പി. സുരേഷ് ആയിട്ടാണ് സൗബിൻ ഷാഹിർ ചിത്രത്തിൽ അഭിനയിക്കുന്നത്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
ഫുൾ ഓൺ സ്റ്റുഡിയോസ് നിർമിക്കുന്ന ചിത്രം രചിച്ചിരിക്കുന്നത് മാധ്യമ പ്രവർത്തകനായ ശരത്കൃഷ്ണയും സംവിധായകനും ചേർന്നാണ്.
സലിംകുമാർ, സുരേഷ്കൃഷ്ണ, കൃഷ്ണശങ്കർ, ശബരീഷ് വർമ, അഭിരാമി ഭാർഗവൻ, കോട്ടയം രമേശ്, മാല പാർവതി, വീണനായർ, പ്രമോദ് വെളിയനാട് തുടങ്ങിയവരാണ് മറ്റ് പ്രധാന താരങ്ങൾ. അലക്സ് ജെ. പുളിക്കൽ ആണ് ഛായാഗ്രഹണം.
എക്സിക്യൂട്ടീവ് പ്രൊഡ്യൂസർ -കെ.ആർ.മണി, എഡിറ്റിങ് -അപ്പു എൻ. ഭട്ടതിരി, മധുവാസുദേവനും വിനായക് ശശികുമാറുമാണ് ഗാനരചയിതാക്കൾ. സച്ചിൻ ശങ്കർ മന്നത്ത് സംഗീതം നിർവഹിക്കുന്നു. ജ്യോതിഷ് ശങ്കറാണ് കലാസംവിധായകൻ. പ്രോജക്ട് ഡിസൈനർ -ബെന്നി കട്ടപ്പന. അസോസിയേറ്റ് ഡയറക്ടർസ് -ശ്രീജിത് ബി.നായർ, കെ.ജി. രാജേഷ് കുമാർ. പി.ആർ.ഒ. -എ.എസ്. ദിനേശ്. ഡിജിറ്റൽ മാർക്കറ്റിങ് -വൈശാഖ് സി. വടക്കേവീട്.
