ഉലകനായകൻ കമലഹാസനും, ചിമ്പുവും ഒന്നിക്കുന്ന ഏറ്റവും പുതിയ ചിത്രത്തിന്റെ വിശേഷങ്ങൾ പുറത്ത്. കമല്‍ഹാസനും ആര്‍ മഹേന്ദ്രനും ഡെസിങ് പെരിയസ്വാമിയുടെ സംവിധാനത്തില്‍ നിര്‍മിക്കുന്ന ചിത്രത്തില്‍ ചിമ്പുവാണ് നായകൻ.
പ്രൊജക്റ്റിന്റെ പ്രി പ്രൊഡക്ഷൻ ജോലികള്‍ അതിവേഗം നടക്കുകയാണ് എന്നാണ് അറിയാൻ കഴിയുന്നത്. ചിത്രത്തിൽ ചിമ്പു വൻ മേയ്‍ക്കോവറിലാണ് എത്തുക എന്നും വാര്‍ത്തയുണ്ട്. കമല്‍ഹാസനൊപ്പമുള്ള ചിമ്പുവിന്റെ ഫോട്ടോ പുറത്തുവന്നിട്ടുണ്ട്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
ഒബേലി എൻ കൃഷ്‍ണ സംവിധാനം ചെയ്‍ത ‘പത്ത് തല’യാണ് ചിമ്പുവിന്റേതായി ഏറ്റവും ഒടുവില്‍ പ്രദര്‍ശനത്തിയ ചിത്രം. മോശമല്ലാത്ത പ്രതികരണ ലഭിച്ച ചിത്രത്തിൽ അനു സിത്താര, പ്രിയാ ഭവാനി ശങ്കര്‍, കാര്‍ത്തിക്, ഗൗതം വാസുദേവ് മേനോൻ എന്നിവരായിരുന്നു ചിമ്പുവിനൊപ്പം പത്ത് തലയില്‍ വേഷമിട്ടത്. എ ആര്‍ റഹ്‍മാനായിരുന്നു സംഗീതം.
അതേസമയം, ചിമ്പു നായകനാകുന്ന പുതിയ ചിത്രം എ ആര്‍ മുരുഗദോസ് സംവിധാനം ചെയ്‍തേക്കുമെന്നും റിപ്പോര്‍ട്ടുണ്ട്. ചിത്രം നിര്‍മിക്കാൻ ഹൊംമ്പാളെ ഫിലിംസ് ആലോചിക്കുന്നു. ഇക്കാര്യത്തില്‍ ഔദ്യോഗിക പ്രഖ്യാപനം വന്നിട്ടില.
