കോട്ടയം: കുമരകം പാറപ്പാടത്ത് നിയന്ത്രണം നഷ്ടമായ ബൈക്ക് റോഡരികിൽ നിർത്തിയിട്ടിരുന്ന കാറിൽ ഇടിച്ച് യുവാവിനും യുവതിയ്ക്കും പരിക്ക്. പരിക്കേറ്റവരെ കോട്ടയം ഭാരത് ആശുപത്രിയിൽ പ്രവേശിപ്പിച്ചു. ഞായറാഴ്ച വൈകിട്ട് ആറരയോടെ കോട്ടയം പാറപ്പാടം ക്ഷേത്രത്തിന്റെ ആറാട്ട് കടവിന് സമീപത്തായിരുന്നു അപകടം. കുമരകം ഭാഗത്തു നിന്നും എത്തിയ ബൈക്ക് നിയന്ത്രണം നഷ്ടമായി റോഡരികിൽ പാർക്ക് ചെയ്തിരുന്ന കാറിൽ ഇടിക്കുകയായിരുന്നു. ഇടിയുടെ ആഘാതത്തിൽ റോഡിൽ വീണ ഇരുവരെയും ഓടിക്കൂടിയ നാട്ടുകാർ ചേർന്ന് ഇതുവഴി എത്തിയ മുൻ നഗരസഭ അംഗം ഷാജി ജേക്കബിന്റെ കാറിൽ കയറ്റി ആശുപത്രിയിലേയ്ക്കു മാറ്റി. കോട്ടയം ഭാരത് ആശുപത്രിയിലേയ്ക്കാണ് മാറ്റിയത്.
Advertisements
