ഇടുക്കി: തങ്കമണിയിൽ നിന്നും യുവതിയെ തട്ടിക്കൊണ്ട് പോയതായി പരാതി. സംഭവത്തിൽ രണ്ട് യൂത്ത് കോൺഗ്രസ് നേതാക്കൾക്കെതിരെ പൊലീസ് കേസെടുത്തു. കൊല്ലം പത്തനാപുരം സ്വദേശികളായ അനീഷ് ഖാൻ, യദുകൃഷ്ണൻ എന്നീവർക്കെതിരെയാണ് കേസ്. യദുകൃഷ്ണൻ പത്തനാപുരം ബ്ലോക്ക് പഞ്ചായത്ത് മെംബറും കെ എസ് യു സംസ്ഥാന വൈസ് പ്രസിഡന്റുമാണ്. അനീഷ് ഖാൻ യൂത്ത് കോൺഗ്രസ് സംസ്ഥാന ജനറൽ സെക്രട്ടറിയായി മത്സരിക്കുന്നയാളാണ്.
ശനിയാഴ്ച്ച രാത്രിയാണ് കേസിന്നാസ്പദമായ സംഭവമുണ്ടായത്. അനീഷ് ഖാന്റെ ബന്ധുവായ മിശ്രവിവാഹിതയായ പെൺകുട്ടിയെയാണ് തട്ടി കൊണ്ടുപോയത്. പത്തനാപുരം സ്വദേശി രഞ്ജിത്ത് ആണ് പെൺകുട്ടിയെ വിവാഹം കഴിച്ചത്. രേഖകൾ പ്രകാരം 15നാണ് പത്തനാപുരത്ത് ഒരു അമ്പലത്തിൽ വെച്ചാണ് മുസ്ലിം വിഭാഗത്തിൽ നിന്നാണ് പെൺകുട്ടിയെ വിവാഹം കഴിച്ചത്. വിവാഹത്തിന് ശേഷം ഇവർ ഇടുക്കിയിലുള്ള ഭർത്താവിന്റെ ബന്ധുവിന്റെ വീട്ടിലേക്ക് എത്തുകയായിരുന്നു.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
എന്നാൽ ഇന്നലെ പെൺകുട്ടിയെ ഇടുക്കിയിലെത്തി വീട്ടിൽ അതിക്രമിച്ച് കയറി തട്ടിക്കൊണ്ടു പോയെന്നാണ് പരാതി. അനീഷ് ഖാന്റെ ബന്ധുവാണ് പെൺകുട്ടി. സഹോദരിയുടെ മകളാണെന്നാണ് വിവരം. ബന്ധുക്കളേയും രഞ്ജിത്തിനേയും കമ്പിവടികൊണ്ട് മർദ്ദിച്ചവശരാക്കിയാണ് പെൺകുട്ടിയെ തട്ടിക്കൊണ്ടുപോയതെന്ന് പരാതിയിൽ പറയുന്നു. ആക്രമണത്തിൽ പരിക്കേറ്റ രഞ്ജിത്തും ബന്ധുക്കളും മെഡിക്കൽ കോളേജ് ആശുപത്രിയിൽ ചികിത്സ തേടിയിരുന്നു.
വീട്ടിൽ അതിക്രമിച്ച് കയറിയതിനും മർദ്ദിച്ചതിനുമാണ് കേസ്. നേരത്തെ പെൺകുട്ടിയെ പിടിച്ചുകൊണ്ടു പോവുകയും മജിസ്ട്രേറ്റിന് മുന്നിൽ ഹാജരാക്കുകയും ചെയ്തിരുന്നു. തുടർന്ന് സ്വന്തം ഇഷ്ടപ്രകാരം രഞ്ജിത്തിന്റെ കൂടെ പോരുകയായിരുന്നു. അവിടെ നിന്നാണ് വീണ്ടും തട്ടിക്കൊണ്ടുപോയതെന്നാണ് രഞ്ജിത്ത് പറയുന്നത്.
