ഇടുക്കി : സണ്ണി വെയ്ൻ ചിത്രം അപ്പന്റെ ഫസ്റ്റ് ലുക്ക് പോസ്റ്റർ പുറത്തിറങ്ങി. കുടുംബ പശ്ചാത്തലത്തില്‍ ഒരുങ്ങുന്ന അപ്പനില്‍ നായകനായി സണ്ണി വെയ്ൻ എത്തുന്നു. ചിത്രത്തിന്റെ ഫസ്റ്റ്‌ലുക്ക് പോസ്റ്റര്‍ കഴിഞ്ഞ ദിവസമാണ് പുറത്തിറങ്ങിയത്. ചിത്രത്തില്‍ ടാപ്പിംഗ് തൊഴിലാളിയായാണ് സണ്ണി എത്തുന്നത്. അനന്യ ,ഗ്രേസ് ആന്റണി , അലന്‍സിയര്‍ തുടങ്ങിയവര്‍ കേന്ദ്ര കഥാപാത്രങ്ങളെ അവതരിപ്പിക്കുന്നു.
മജു സംവിധാനം ചെയ്യുന്ന ചിത്രം ടൈനി ഹാന്‍ഡ്‌സ് പ്രൊഡക്ഷന്‍സ് സണ്ണി വയ്ന്‍ പ്രൊഡക്ഷന്‍സുമായി ചേര്‍ന്നാണ് നിര്‍മ്മിച്ചിരിക്കുന്നത്. ഫ്രഞ്ച് വിപ്ലവം എന്ന ചിത്രത്തിലൂടെ സംവിധായകനായി അരങ്ങേറിയ മജുവിന്റെ പുതിയ ചിത്രത്തിന്റെ തിരക്കഥ മജുവിനൊപ്പം ആര്‍ ജയകുമാറും ചേര്‍ന്നാണ് ഒരുക്കിയത്. പൗളി വത്സന്‍, രാധിക രാധാകൃഷ്ണന്‍, അനില്‍ കെ ശിവറാം, വിജിലേഷ്, ഉണ്ണി രാജ, അഷ്റഫ്, ദ്രുപദ് കൃഷ്ണ എന്നിവരും മറ്റു പ്രധാന വേഷങ്ങളില്‍ എത്തുന്നുണ്ട്. പപ്പു, വിനോദ് ഇല്ലമ്ബള്ളി എന്നിവരാണ് ഛായാഗ്രഹണം.