ഏറ്റുമാനൂർ ക്ഷേത്രത്തിലെത്തിയ ഭക്തയുടെ മാല പൊട്ടിച്ചു; തമിഴ് നാട് സ്വദേശികളായ രണ്ട് സ്ത്രീകൾ പിടിയിൽ

ഏറ്റുമാനൂർ : മഹാദേവ ക്ഷേത്രത്തിൽ ദർശനത്തിനെത്തിയ ഭക്തയുടെ മാല പൊട്ടിക്കാൻ ശ്രമിച്ച രണ്ട് തമിഴ്നാട് സ്വദേശിനികൾ പിടിയിലായി. തമിഴ്നാട് ചിന്നസ്ഥലം പാളയം മാരിയമ്മൻ കോവിൽ തെരുവിൽ മുത്തുവിന്റെ ഭാര്യമാരായ വിജി ( 35 ) , രജനി എന്നിവരെയാണു ഏറ്റുമാനൂർ പൊലീസ് അറസ്റ്റ് ചെയ്തത് .

ശനിയാഴ്ച ഉച്ചയ്ക്ക് ക്ഷേത്രത്തിന്റെ നാലമ്പലത്തിനുള്ളിൽ വച്ചാണു സംഭവം . കഴുത്തിൽ കിടന്ന മാല പൊട്ടിക്കുന്ന തിരിച്ചറിഞ്ഞ സ്ത്രീ ബഹളം വച്ചതോടെ ദേവസ്വം ജീവനക്കാരാണു വിജിയിനേയും രജനിയേയും പിടികൂടി ക്ഷേത്ര മൈതാനത്തു സ്ഥിതി ചെയ്യുന്ന പൊലീസ് എയ്ഡ്പോസ്റ്റിൽ എത്തിച്ചത്.

കൂടുതൽ ചോദ്യം ചെയ്താൽ മാത്രമേ ഇവരോടൊപ്പം മറ്റ് ആളുകൾ ഉണ്ടോ എന്ന് തെളിയുകയുള്ളൂ എന്ന് പൊലീസ് പറഞ്ഞു. പ്രതികളെ കോടതിയിൽ ഹാജരാക്കും.