വടക്കാഞ്ചേരി : വടക്കാഞ്ചേരി പാളയത്ത് യുവാവിന് വെട്ടേറ്റു. കോണ്‍ഗ്രസ് പ്രവര്‍ത്തകന്‍ കിഴക്കേപാളയം സുബ്രമണ്യന്റെ മകന്‍ ശിവനാണ് (40) വെട്ടേറ്റത്. ചൊവ്വാഴ്ച രാവിലെ ഏഴേമുക്കാലോടെയാണ് സംഭവം.
കടയില്‍ പോയി തിരിച്ച്‌ വീട്ടിലേക്ക് പാളയത്ത് റോഡിലൂടെ വരുകയായിരുന്ന ശിവനെ വിനോദ് എന്നയാള്‍ ആക്രമിക്കുകയായിരുന്നുവെന്ന് പോലീസ് പറഞ്ഞു. ആര്‍.എസ്.എസ് പ്രവര്‍ത്തകനാണ് വിനോദ്. തലക്കും കൈ കാലുകള്‍ക്കും വെട്ടേറ്റ ശിവനെ തൃശൂരിലെ സ്വകാര്യ ആശുപത്രിയില്‍ പ്രവേശിപ്പിച്ചു. രാഷ്ട്രീയ വൈരാഗ്യമാണ് സംഭവത്തിന് പിന്നിലെന്ന് കോണ്‍ഗ്രസ് നേതൃത്വവും വ്യക്തി വൈരാഗ്യമാണെന്ന് ആര്‍.എസ്.എസ് നേതൃത്വവും പ്രതികരിച്ചു.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
സംഭവശേഷം രക്ഷപ്പെട്ട പ്രതിക്ക് വേണ്ടി പൊലീസ് അന്വേഷണം ഊര്‍ജിതമാക്കി. ജില്ല പൊലീസ് മേധാവി ആര്‍. വിശ്വനാഥിന്റെ നേതൃത്വത്തില്‍ ഉന്നത പൊലീസ് സംഘം സ്ഥലത്തെത്തി. തുടർ നടപടികൾ സ്വീകരിച്ചു.
