മൂവി ഡെസ്ക്ക് : രതീഷ്‌ രഘുനന്ദന്‍ തിരക്കഥയൊരുക്കി സംവിധാനം ചെയ്യുന്ന ചിത്രത്തിലാണ് ദിലീപ് ഇപ്പോള്‍ അഭിനയിച്ചത്. D-148 എന്ന് താല്‍കാലികമായി പേരിട്ടിരിക്കുന്ന സിനിമയുടെ ടൈറ്റില്‍ കഴിഞ്ഞ മാസം പുറത്തുവിട്ടു.തങ്കമണി” എന്നാണ് സിനിമയുടെ പേര്. സിനിമ ഒരുക്കിയിരിക്കുന്നത് എണ്‍പതുകളുടെ മധ്യത്തില്‍ കേരള രാഷ്ട്രീയത്തെ പിടിച്ചുകുലുക്കിയ ഇടുക്കിയിലെ തങ്കമണി സംഭവത്തെ ആസ്പദമാക്കിയാണ്. സിനിമയുടെ ഫസ്റ്റ് ലുക് പോസ്റ്റര്‍ ഇന്ന് വൈകുന്നേരം ആറ് മണിക്ക് റിലീസ് ചെയ്യും.ഇന്ത്യൻ സിനിമയിലെ തന്നെ 4 മികച്ച ഫൈറ്റ് മാസ്റ്റേഴ്സ് തങ്കമണിക്ക് ഫൈറ്റ് കൊറിയോഗ്രാഫി ചെയ്യാൻ ഒന്നിക്കുന്നു എന്ന പ്രത്യേയക്ത ചിത്രത്തിന് ഉണ്ട്.. സ്റ്റണ്ട് ശിവ, സുപ്രീം സുന്ദര്‍,രാജശേഖര്‍, മാഫിയ ശശി എന്നിവര്‍ ചേര്‍ന്നാണ് സിനിമയ്ക്ക് ആക്ഷൻ ഒരുക്കുന്നത്.
സിനിമയുടെ ചിത്രീകരണം പൂര്‍ത്തിയായി. അവസാനഘട്ട ചിത്രീകരണം ആഗസ്റ്റ് 11ന് ആരംഭിച്ചു. മൂന്നാം ഷെഡ്യൂള്‍ കട്ടപ്പനയിലും പരിസരപ്രദശങ്ങളിലുമായി ആണ് നടന്നത്. ചിത്രത്തില്‍ രണ്ട് നായികമാരാണ് ഉള്ളത്. നീത പിളള, പ്രണിത സുഭാഷ്. അജ്മല്‍ അമീര്‍, സുദേവ് നായര്‍, സിദ്ദിഖ്, മനോജ് കെ ജയൻ, കോട്ടയം രമേഷ്, മേജര്‍ രവി, സന്തോഷ് കീഴാറ്റൂര്‍, അസീസ് നെടുമങ്ങാട്, തൊമ്മൻ മാങ്കുവ, ജിബിൻ ജി, അരുണ്‍ ശങ്കരൻ, മാളവിക മേനോൻ രമ്യ പണിക്കര്‍, മുക്ത, ശിവകാമി, അംബിക മോഹൻ, സ്മിനു എന്നിവരും തമിഴ് താരങ്ങളായ ജോണ്‍ വിജയ്, സമ്ബത് റാം എന്നിവരും ചിത്രത്തില്‍ അഭിനയിക്കുന്നു. മലയാളത്തിലെയും തമിഴിലെയും വൻ താരനിര ചിത്രത്തിന്റെ ഭാഗമാകുന്നുണ്ട് എന്ന പ്രത്യേകതയും ചിത്രത്തിന് ഉണ്ട്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
നവംബറില്‍ ചിത്രം പ്രദര്‍ശനത്തിന് എത്തിയേക്കും. സൂപ്പര്‍ ഗുഡ് ഫിലിംസിന്റെ ബാനറില്‍ ആര്‍ ബി ചൗധരിയും ഇഫാര്‍ മീഡിയയുടെ ബാനറില്‍ റാഫി മതിരയും ചേര്‍ന്ന് ആണ് ചിത്രം നിര്‍മിക്കുന്നത്
