ന്യൂസ് ഡെസ്ക് : ഐസിസി ടൂര്‍ണമെന്റില്‍ 20 വര്‍ഷത്തിന് ശേഷം ന്യൂസിലൻഡിനെ ഇന്ത്യ തോല്‍പ്പിച്ച മത്സരം ലൈവ് സ്ട്രീം വഴി കണ്ടത് റെക്കോര്‍ഡ് കാഴ്ചക്കാര്‍. ഡിസ്നി ഹോട്ട്സ്റ്റാറിലെ ലോകകപ്പ് മത്സരത്തിന്റെ തത്സമയ സ്ട്രീമിംഗ് വ്യൂവര്‍ഷിപ്പ് 4.3 കോടിയിലെത്തി.ചരിത്രത്തിലാദ്യമാണ് ഇത്രയും വ്യൂവര്‍ഷിപ്പ് നേടുന്നത്.
ഏകദിനത്തിലെ ഏറ്റവും കൂടുതല്‍ സെഞ്ച്വറികള്‍ എന്ന സച്ചിൻ ടെണ്ടുല്‍ക്കറുടെ റെക്കോര്‍ഡിന് വിരാട് കോഹ്ലി ഒപ്പമെത്തുമ്പോള്‍ സ്ട്രീമിംഗ് വ്യൂവര്‍ഷിപ്പ് 4.3 കോടിയുടെ കൊടുമുടിയിലെത്തി. ഡിജിറ്റല്‍ സ്ട്രീമിംഗ് ചരിത്രത്തിലെ എക്കാലത്തെയും ഉയര്‍ന്ന കാഴ്ചക്കാരായി മാറി. എന്നാല്‍ താരം 95 റണ്‍സില്‍ പുറത്തായത് ആരാധകര്‍ക്ക് നിരാശ സമ്മാനിച്ചു. 2023 ലോകകപ്പിലെ ഇന്ത്യ-പാക് മത്സരത്തിന് 3.5 കോടി നേടിയതാണ് ഇന്ത്യയുടെ അന്താരാഷ്‌ട്ര മത്സരങ്ങളുടെ മുൻ റെക്കോര്‍ഡ്, ഇത് ഡിസ്നി ഹോട്ട്സ്റ്റാറിലും സ്ട്രീം ചെയ്തു.
