പാലാ : കോട്ടയം പാലായിൽ മീനച്ചിലാറ്റിൽ മീൻ പിടിക്കുന്നതിനിടെ ഷോക്കേറ്റ് ഒരാൾ മരിച്ചു. പാലാ കരൂർ സ്വദേശി സുനിൽ കുമാർ (50) ആണ് മരിച്ചത്. ബുധനാഴ്ച പുലർച്ചെയായിരുന്നു സംഭവം. മീനച്ചിലാറ്റിൽ വള്ളിച്ചിറ ഭാഗത്ത് മീൻ പിടിക്കുന്നതിന് ആയാണ് സുനിൽകുമാറും സുഹൃത്തുക്കളും എത്തിയത്. മീൻ പിടിക്കുന്നതിനിടെ സുനിൽകുമാറിന് ഷോക്ക് ഏൽക്കുകയായിരുന്നു എന്നാണ് വിവരം. തുടർന്ന് നാട്ടുകാർ വിവരം പാലാ പോലീസിൽ അറിയിച്ചു. പാലാ പോലീസ് എത്തി നടപടികൾ പൂർത്തിയാക്കി. തുടർന്ന് മൃതദേഹം പാല ജനറൽ ആശുപത്രിയിലേക്ക് മാറ്റി. ആറ്റിൽ നിന്ന് വൈദ്യുതി ഉപയോഗിച്ച് മീൻ പിടിക്കുമ്പോൾ ആയിരുന്നു അപകടം എന്ന് സംശയിക്കുന്നു. സംഭവത്തിൽ അസ്വാഭാവിക മരണത്തിന് കേസെടുത്ത പോലീസ് അന്വേഷണം ആരംഭിച്ചിട്ടുണ്ട്.
Advertisements
