കോട്ടയം: നീണ്ടൂർ ഓണംതുരുത്തിൽ ബൈക്കും സ്‌കൂട്ടറും കൂട്ടിയിടിച്ച് രണ്ടു പേർക്ക് പരിക്ക്. ബൈക്ക് യാത്രക്കാരനായ ദേവദത്തൻ (20), സ്‌കൂട്ടർ യാത്രക്കാരനായ 45 കാരൻ എന്നിവരെയാണ് പരിക്കുകളോടെ കോട്ടയം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചത്. ശനിയാഴ്ച വൈകിട്ട് ആറരയോടെ നീണ്ടൂർ ഏറ്റുമാനൂർ റോഡിൽ ഓണംതുരുത്തിലായിരുന്നു സംഭവം. ഇരുദിശയിൽ നിന്നും എത്തിയ ബൈക്കും സ്‌കൂട്ടറും കൂട്ടിയിടിക്കുകയായിരുന്നു. ഓടിക്കൂടിയ നാട്ടുകാർ ചേർന്നാണ് പരിക്കേറ്റവരെ ആശുപത്രിയിൽ പ്രവേശിപ്പിച്ചത്. സ്‌കൂട്ടർ യാത്രക്കാരനായ 45 കാരന്റെ സ്ഥിതി ഗുരുതരമാണ്. ഇയാളെ ഇനിയും തിരിച്ചറിഞ്ഞിട്ടില്ല.
Advertisements
