ലണ്ടന്‍: ഇംഗ്ലീഷ് പ്രീമിയര്‍ ലീഗില്‍ ബ്രൈറ്റണ്‍, ലീഡ്സ് യുനൈറ്റഡ്, ബ്രെന്‍റ്ഫോഡ് ടീമുകള്‍ക്ക് ജയം.ബ്രൈറ്റണ്‍ 3-2ന് എവര്‍ട്ടണിനെയും ലീഡ്സ് 3-1ന് ബേണ്‍ലിയെയും ബ്രെന്‍റ്ഫോഡ് 2-1ന് ആസ്റ്റണ്‍വില്ലയെയുമാണ് പരാജയപ്പെടുത്തിയത്. ബ്രൈറ്റണിനായി അലക്സിസ് മക്അലിസ്റ്റര്‍ (2), ഡാനിയേല്‍ ബേണ്‍ എന്നിവരാണ് സ്കോര്‍ ചെയ്തത്.
എവര്‍ട്ടണിന്‍റെ ഗോളുകള്‍ ആന്‍റണി ഗോര്‍ഡന്‍ നേടി. ലീഡ്സിനായി ജാക് ഹാരിസണ്‍, സ്റ്റുവാര്‍ട്ട് ഡള്ളാസ്, ഡാനിയേല്‍ ജെയിംസ് എന്നിവരും ബേണ്‍ലിക്കായി മാക്സ്വെല്‍ കോര്‍ണറ്റും സ്കോര്‍ ചെയ്തു. ബ്രെന്‍റ്ഫോഡിന്‍റെ ഗോളുകള്‍ യുവാന്‍ വിസ്സ, മാഡ്സ് റാസ്മുസ്സന്‍ എന്നിവരും വില്ലയുടെ ഗോള്‍ ഡാനി ഇങ്സും നേടി.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
ശനിയാഴ്ച വെസ്റ്റ്ഹാം 3-2ന് ക്രിസ്റ്റല്‍ പാലസിനെയും ടോട്ടന്‍ഹാം 1-0ത്തിന് വാറ്റ്ഫോഡിനെയും തോല്‍പിച്ചിരുന്നു. വെസ്റ്റ്ഹാമിനായി മാനുവല്‍ ലാന്‍സീനി (2), മികെല്‍ അന്‍റോണിയോ എന്നിവരും പാലസിനായി ഒഡ്സോന്‍ എഡ്വേര്‍ഡ്, മൈക്കല്‍ ഒലീസെ എന്നിവരും സ്കോര്‍ ചെയ്തു. ഇഞ്ചുറി സമയത്തിന്‍റെ അവസാനത്തില്‍ ഡാവിന്‍സണ്‍ സാഞ്ചസ് നേടിയ ഗോളിലാണ് ടോട്ടന്‍ഹാം വാറ്റ്ഫോഡിനെതിരെ വിജയം നേടിയത്.