​

 പ്രേഷർ കുക്കറിലാണ് പലരും ജോലി ചെയ്യുന്നത് എന്ന് തോന്നിപ്പോകുന്ന വിധത്തിലാണ് ഇന്നത്തെ വർക്ക് കളർച്ചറുകളുള്ളത്. പ്രത്യേകിച്ച് ഐടി ജീവനക്കാർ വളരെയധികം മാനസിക സമ്മർദ്ദങ്ങളിലൂടെ ആണ് കടന്ന് പോകുന്നത്. ടാർഗറ്റുകൾ, ഡെഡ് ലൈൻ തുടങ്ങി പല വിധത്തിലുള്ള സമ്മർദ്ദമാണ് അവർക്ക് ചുറ്റും ഓടി കൊണ്ടിരിക്കുന്നത്. ജോലിയിൽ ഒന്നാമത് എത്തണം എന്ന് ചിന്ത പലരെയും ഡിപ്രഷൻ്റെ വക്കിൽ വരെ എത്തിക്കുന്നതും സ്ഥിരം കാഴ്ചയാണ്. ജോലിയിലെ ഇത്തരം അമിത സമ്മർദ്ദം ഒഴിവാക്കാൻ ചില കാര്യങ്ങൾ ശ്രദ്ധിക്കണം.

ഒന്നിന് പുറകെ ഒന്നായി ഓരോ ജോലികൾ വരുന്നതും അത് ​വേ​ഗത്തിൽ ചെയ്ത് തീ‍ർക്കുന്നതും ഓഫീസുകളിൽ സാധാരണമാണ്. ജോലി ചെയ്യുന്നത് നല്ലതാണെങ്കിലും ഇടവേള എടുക്കാതെ ഒരുമിച്ച് ഇരുന്ന് എല്ലാം കൂടി ചെയ്ത് തീ‍ർക്കുന്നത് ആരോ​ഗ്യത്തിന് അത്ര നല്ലതല്ല. മനസ് നി‍ർ‌ത്താം എന്ന് പറയുമ്പോൾ പരമാവധി ജോലി അവസാനിപ്പിക്കാൻ ശ്രമിക്കുക. മറ്റുള്ളവരെക്കാൾ പിന്നിലായി പോകുമെന്ന ചിന്ത കാരണം പലപ്പോഴും ആളുകൾ ഇത് ചെയ്യാറില്ല. എന്നാൽ ഇത് ആരോ​ഗ്യത്തെ മോശമായി ബാധിക്കുകയും ചെയ്യും. ചെയ്യേണ്ട ജോലികൾ ബാക്കിയാണെങ്കിലും ശരീരം വിശ്രമം ആവശ്യപ്പെട്ടാൽ അത് എടുക്കാൻ തയാറാകുക.

ദിവസവും ജോലി ചെയ്യുന്നത് മാത്രം ശീലമാക്കാതിരിക്കുക. പാട്ട് കേൾക്കുന്നത്, ബുക്ക് വായിക്കുക, കോഫി ബ്രേക്ക് എടുക്കുക തുടങ്ങി ഇഷ്ടമുള്ള കാര്യം എന്താണെന്ന് കണ്ടെത്തുക. നിങ്ങൾക്ക് അനുയോജ്യമായൊരു പ്രവർത്തനം കണ്ടെത്തുക. ദിവസവും ഇതിൽ എന്തെങ്കിലും ഒരു കാര്യം ചെയ്യാൻ ശ്രമിക്കുക. ഇത് മനസിന് സന്തോഷവും സമാധാനവും നൽകുക.

ജോലിയിൽ ഏർപ്പെടാനും മറ്റുള്ളവരിൽ നിന്ന് വിച്ഛേദിക്കപ്പെടാനും എളുപ്പമാണ്. അടുത്ത സുഹൃത്തുക്കളുമായും കുടുംബാംഗങ്ങളുമായും ഉള്ള സംഭാഷണങ്ങൾ ഒരിക്കലും വേണ്ട എന്ന് വയ്ക്കരുത്. ആശയവിനിമയം നടത്തുന്നത് മനസിനും ആരോ​ഗ്യത്തിനും കൂടുതൽ സന്തോഷം നൽകും. മനസിൽ തോന്നുന്ന വിഷമങ്ങളും സമ്മർദ്ദങ്ങളും കുറയ്ക്കാൻ ഏറെ സഹായിക്കും.

സ്വന്തം കാര്യത്തിൽ അൽപ്പം ശ്രദ്ധ നൽകേണ്ടത് ഏറെ പ്രധാനമാണ്. സ്വന്തം ആരോ​ഗ്യമാണ് പ്രധാനമെന്ന് മനസിലാക്കുന്ന പോയിൻ്റിൽ പലരുടെയും പ്രശ്നങ്ങൾ ഇല്ലാതാകും. സ്വന്തം ശരീരത്തോടും മനസിനോടും അൽപ്പം കരുണ കാണിക്കാൻ ശ്രമിക്കുക. മനസിൻ്റെ ആരോ​ഗ്യം വളരെ പ്രധാനമാണെന്ന് മനസിലാക്കുക. നിങ്ങളോട് കരുണ കാണിക്കാൻ നിങ്ങൾക്ക് മാത്രമേ സാധിക്കൂ. അമിത ജോലിഭാരം എല്ലാ സമയത്തും മനസിൻ്റെ ആരോ​ഗ്യത്തിന് അത്ര നല്ലതായിരിക്കില്ല.

ജോലി സമയവും വ്യക്തിഗത സമയവും സന്തുലിതമാക്കുന്നതിൽ പലരും പോരാടുന്നത് കാണാറുണ്ട്. ജോലിയിൽ പരിധികൾ നിശ്ചയിക്കേണ്ടത് വളരെ പ്രധാനമാണ്. സ്വന്തം മനസിനോടും ആരോ​ഗ്യത്തോടും അൽപ്പം ദയയുള്ളവരായിരിക്കുക. അതിനാൽ, അതിരുകൾ സജ്ജീകരിക്കേണ്ടത് നിർണായകമാണ്-ജോലിയിൽ പരിധികൾ നിശ്ചയിക്കുന്നത് പരിഗണിക്കുക. 

മണിക്കൂറുകൾ നീണ്ടു നിൽക്കുന്ന ജോലി ചെയ്യുന്ന ശീലം മാറ്റാൻ ശ്രമിക്കുക .സ്വയം പരിപാലിക്കുന്നതും അതുപോലെ പ്രധാനമാണ്. ജോലിയിൽ മികവ് പുലർത്തുക, ജോലി സമയവും വ്യക്തിഗത സമയവും സന്തുലിതമാക്കുന്നതിൽ എല്ലായ്പ്പോഴും ഒരു പോരാട്ടമുണ്ട്.