കോട്ടയം: എംസി റോഡിൽ പള്ളത്ത് ബൈക്കിടിച്ച് പരിക്കേറ്റ് ചികിത്സയിലായിരുന്ന കാൽനടയാത്രക്കാരൻ മരിച്ചു. പള്ളം വടക്കേ പറമ്പിൽ സി.വി. പ്രേമചന്ദ്രൻ ( ബോബൻ 64 ) ആണ് മരിച്ചത്. കഴിഞ്ഞ 27 നായിരുന്നു സംഭവം ഉണ്ടായത്. പള്ളം പോസ്റ്റ് ഓഫിസ് ജംഗ്ഷനിൽ റോഡ് മുറിച്ചു കടക്കുന്നതിനിടെ ഇദ്ദേഹത്തെ ബൈക്ക് ഇടിച്ചു വീഴ്ത്തുകയായിരുന്നു. ഉടൻ തന്നെ ഇദ്ദേഹത്തെ നാട്ടുകാർ ചേർന്ന് കാരിത്താസ് ആശുപത്രിയിൽ എത്തിച്ചു. എന്നാൽ, രണ്ടു ദിവസം ചികിത്സയിൽ കഴിഞ്ഞ ഇദ്ദേഹം ഇന്നു രാവിലെ മരണപ്പെട്ടു. മൃതദേഹം പോസ്റ്റ്‌മോർട്ടത്തിന് ശേഷം ബന്ധുക്കൾക്ക് വിട്ടു നൽകി. മൃതദേഹം ഭവനത്തിൽ എത്തിച്ചു. സംസ്‌കാരം നാളെ നവംബർ 30 ശനിയാഴാച് രാവിലെ 11 ന് വീട്ടുവളപ്പിൽ. ഭാര്യ: ചന്നാനിക്കാട് വലിയ പറമ്പിൽ ശ്രീകുമാരി. മക്കൾ: ശ്രീജ, ശ്രീജിത്ത്. മരുമകൻ: രതീഷ് മൂവാറ്റുപുഴ.
Advertisements
