ശ്രീലങ്കയെ തകർത്ത് പരമ്പര തൂത്തുവാരി ഇന്ത്യ : ഇന്ത്യയ്ക്ക് സമ്പൂർണ ജയം

ധർമ്മശാല : ശ്രീലങ്കയ്ക്കെതിരായ ട്വൻ്റി – 20 പരമ്പരയിൽ ഇന്ത്യക്ക് സമ്പൂർണ്ണ വിജയം. മൂന്നാമത്തേയും അവസാനത്തേയും മത്സരത്തിൽ 6 വിക്കറ്റിനായിരുന്നു ഇന്ത്യൻ ജയം.

ശ്രീലങ്ക ഉയർത്തിയ 146 റൺസ് വിജയലക്ഷ്യം 16.5 ഓവറിൽ ഇന്ത്യ മറികടന്നു. 45 പന്തിൽ 73 റൺസെടുത്ത് പുറത്താകാതെ നിന്ന ശ്രേയസ് അയ്യരാണ് ഇന്ത്യൻ വിജയത്തിൻ്റെ ശില്പി.

മലയാളി താരം സഞ്ജു സാംസൺ ഓപ്പണറായി ഇറങ്ങിയെങ്കിലും 18 റൺസെടുത്ത് പുറത്തായി. മൂന്ന് മത്സരങ്ങളിലും പുറത്താകാതെ അർധ സെഞ്ച്വറികൾ നേടിയ ശ്രേയസ്സ് അയ്യരാണ് പരമ്പരയിലെ താരം.