തിരുവല്ല: വെള്ളപ്പൊക്കത്തെ തുടർന്ന് പത്തനംതിട്ട ജില്ലയിലെ പി.ഡബ്ല്യൂഡി, ഇരിഗേഷൻ വകുപ്പിന് കീഴിലുള്ള പാലങ്ങളുടെ സുരക്ഷ പരിശോധിക്കുന്നതിനായി നിർദേശം നൽകിയിട്ടുണ്ടെന്നും കോമളം പാലത്തിന്റെ സുരക്ഷിതത്വം അടിയന്തരമായി പരിശോധിക്കുന്നതായും ആരോഗ്യ മന്ത്രി വീണാ ജോർജ് പറഞ്ഞു.
വെള്ളപ്പൊക്കത്തിൽ അപ്രോച്ച് റോഡ് തകർന്നുപോയ തിരുവല്ല പുറമറ്റം കോമളം പാലം സന്ദർശിച്ച് സ്ഥിതിഗതികൾ വിലയിരുത്തിയശേഷം സംസാരിക്കുകയായിരുന്നു മന്ത്രി.
മണിമലയാറ്റിൽനിന്നുള്ള കുത്തൊഴുക്കിലും പാലത്തിന്റെ അപ്രോച്ച് റോഡ് തകർന്നതിനാലും കോമളംപാലത്തിന് ബലക്ഷയം ഉണ്ടായിട്ടുണ്ടോ എന്നത് വിദഗ്ധ സംഘം പരിശോധിച്ച് ഉറപ്പുവരുത്തും. ഇറിഗേഷൻ, പി.ഡബ്ല്യൂഡി ബ്രിഡ്ജസ്, ഫയർഫോഴ്സ്, പോലീസ്, തദ്ദേശസ്ഥാപനങ്ങൾ എന്നിവയുടെ നേതൃത്വത്തിലാണ് തടസങ്ങൾ നീക്കം ചെയ്യുന്നത്. നാട്ടുകാരുടെ വലിയ സഹകരണമാണ് പ്രവർത്തനങ്ങൾക്കെന്നും മന്ത്രി പറഞ്ഞു.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
ആന്റോ ആന്റണി എംപി, മുൻ എംഎൽഎ രാജു എബ്രഹാം, ജില്ലാ പഞ്ചായത്ത് പ്രസിഡന്റ് പ്രസിഡന്റ് രാജി പി.രാജപ്പൻ, ജില്ലാ പഞ്ചായത്ത് അംഗം ജിജി മാത്യു, പുറമറ്റം ബ്ലോക്ക് പഞ്ചായത്ത് പ്രസിഡന്റ് പ്രസിഡന്റ് ലാലു തോമസ്, കല്ലൂപ്പാറ ബ്ലോക്ക് പഞ്ചായത്ത് അംഗം അമ്പിളി പ്രസാദ്, പുറമറ്റം ഗ്രാമപഞ്ചായത്ത് അംഗങ്ങളായ കെ.വി.രശ്മി മോൾ, കെ.കെ നാരായണൻ, ജീലി കെ.വർഗീസ്, കല്ലൂപ്പാറ ഗ്രാമപഞ്ചായത്ത് അംഗം കെ.കെ സത്യൻ, വിവിധ വകുപ്പ് ഉദ്യോഗസ്ഥർ തുടങ്ങിയവർ പറഞ്ഞു.
