തിരുവല്ല : ടി കെ റോഡിലെ മനയ്ക്കച്ചിറയിൽ ബൈക്കും ഓട്ടോ റിക്ഷയും കൂട്ടിയിടിച്ചുണ്ടായ അപകടത്തിൽ ഒരാൾക്ക് പരിക്കേറ്റു. ബൈക്ക് യാത്രികനായിരുന്ന നെല്ലാട് സ്വദേശിയായ യുവാവിനാണ് പരിക്കേറ്റത്. മനയ്ക്കച്ചിറ പെട്രോൾ പമ്പിന് സമീപം ഇന്ന് രാവിലെ പത്തു മണിയോടെ ആയിരുന്നു അപകടം. ഇടിയുടെ ആഘാതത്തിൽ ഓട്ടോ പച്ചക്കറിക്കടയുടെ മുമ്പിൽ മറിഞ്ഞു. അപകടത്തിൽ സാരമായി പരിക്കേറ്റ ആദർശിനെ തിരുവല്ല താലൂക്ക് ആശുപത്രിയിൽ പ്രവേശിപ്പിച്ചു. അപകട വിവരമറിഞ്ഞ് തിരുവല്ല പോലീസ് സ്ഥലത്തെത്തിയിരുന്നു.
Advertisements
