ബത്തേരി: ക്രിസ്മസിനെ വരവേല്‍ക്കാന്‍ മെഗാ സാന്റ നൃത്തവുമായി അസംപ്ഷന്‍ എ യു പി സ്‌ക്കൂള്‍. ജിംഗിള്‍ ബെല്‍സിനും മെറി ക്രിസ്മസ് പാട്ടിനും താളാത്മക ചുവടുകളുമായി ഗ്രൗണ്ടില്‍ നൃത്തം വെച്ചത് 1500 വിദ്യാര്‍ത്ഥികള്‍.
സാന്താക്ലോസിന്റെ വേഷത്തിലും ചുവപ്പ് വെള്ള നിറങ്ങളിലുള്ള വേഷം ധരിച്ചും തലയില്‍ ക്രിസ്മസ് തൊപ്പിയണിഞ്ഞുമാണ് കുട്ടികള്‍ ക്രിസ്മസ് ആഘോഷത്തിന് മാറ്റ് കൂട്ടാന്‍ നൃത്തമാടിയത്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
അധ്യാപകരും പി ടി എ ഭാരവാഹികളും മറ്റ് രക്ഷിതാക്കളും ഒപ്പം കൂടിയതോടെ പരിപാടി കളറായി.എല്‍ പി, യു പി വിഭാഗക്കാര്‍ പ്രത്യേക ഗ്രൂപ്പുകളായി തിരിഞ്ഞായിരുന്നു സാന്റ ഡാന്‍സ്.പരീക്ഷക്കാലമായതിനാല്‍ കൂടുതല്‍ പരിശീലനം സാധ്യമല്ലാതിരുന്നിട്ടും ചുവടു തെറ്റിക്കാതെ നൃത്തം ആസ്വദിച്ച് കുട്ടികള്‍ കളിച്ചപ്പോള്‍ കാഴ്ച്ചക്കാര്‍ക്ക് ഹൃദ്യമായ ക്രിസ്മസ് വിരുന്നായി മാറി സാന്റ ഡാന്‍സ്. തങ്ങളുടെ മെഗാ നൃത്തം വിവിധ മത്സരങ്ങള്‍ക്കായി അയച്ചു കൊടുക്കാനും യു ട്യൂബില്‍ വൈറലാക്കാനുമുള്ള ശ്രമത്തിലാണിപ്പോള്‍ വിദ്യാര്‍ത്ഥികള്‍ ഹെഡ്മാസ്റ്റര്‍ സ്റ്റാന്‍ലി ജേക്കബ്ബ്, പി ടി എ പ്രസിഡന്റ് റ്റിജി ചെറുതോട്ടില്‍, അധ്യാപകരായ ടിന്റു മാത്യു, അനു പി സണ്ണി, നിഷ അലക്‌സ്, ട്രീസ ബെന്നി, സി. പ്രിയ എസ് എച്ച് എന്നിവര്‍ നേതൃത്വം നല്‍കി.
