പ്രീ ഡിഗ്രി ക്ലാസിൽ ഒന്നിച്ച് പഠിച്ചവർ 43 വർഷങ്ങൾക്ക് ശേഷം ഒത്തു ചേരുന്നു; ഒന്നിച്ച് ചേരുന്നത് ബസേലിയസ് കോളേജ് വിദ്യാർത്ഥികൾ

കോട്ടയം: 1977 – 79 കാലഘട്ടത്തിൽ കോട്ടയം ബസേലിയസ് കോളേജിൽ പ്രീഡിഗ്രി പഠിച്ച സഹപാഠികൾ ഒത്തു ചേരുന്നു. 43 വർഷത്തിന് ശേഷമാണ് ക്ലാസിൽ ഒന്നിച്ച് പഠിച്ച കൂട്ടുകാർ ഒത്തു ചേരുന്നത്. ജനുവരി 28 ശനിയാഴ്ച കുമരകം ക്ലബിൽ സുഹൃത്തുക്കൾ ഒന്നിച്ച് ചേരും. ഒരു ദിവസം നീണ്ടു നിൽക്കുന്ന മഹാസംഗമത്തിനാണ് പദ്ധതിയിട്ടിരിക്കുന്നത്. 2022 ജൂൺ മാസം ആരംഭിച്ച വാട്‌സ് അപ്പ് കൂട്ടായ്മയിലൂടെയാണ് കൂട്ടായ്മയ്ക്കു തുടക്കമിട്ടത്.

80 പേരാണ് ക്ലാസിലുണ്ടായിരുന്നത് ഇതിൽ പത്തുപേർ മരണമടഞ്ഞു. ബാക്കിയുള്ള അറുപതു പേരെ ഒപ്പം ചേർത്താണ് വാട്‌സ്അപ്പ് കൂട്ടായ്മ അടക്കം ഉണ്ടാക്കിയത്. നാലു പതിറ്റാണ്ടിനു ശേഷമുള്ള കൂടിക്കാഴ്ചയുടെ ആവേശത്തിലാണ് അറുപത് വയസിലെത്തി നിൽക്കുന്ന സുഹൃത്തുക്കൾ.