5 ദിവസം , 500 കോടി : ചരിത്ര നേട്ടവുമായി കിങ് ഖാന്റെ പത്താൻ

വിവാദങ്ങൾക്കിടയിലും 500 കോടി ക്ലബ്ബിൽ ഇടംപിടിച്ച പത്താൻ . പുറത്തിറങ്ങി 5 ദിവസത്തിനകം ഇത്രയും വരുമാനം അതിവേഗത്തിൽ നേടുന്ന ആദ്യ ഹിന്ദി ചിത്രമാണ് ഇത്. പ്രതിസന്ധിയിലായ ബോളിവുഡിനെ ഒന്നിച്ചു തിരിച്ചു കൊണ്ടുവന്ന ചിത്രമാണിത്.

ഷാരൂഖ് ഖാൻ- ദീപിക പദുക്കോൺ എന്നിവരെ കേ​ന്ദ്ര കഥാപാത്രങ്ങളാക്കി സിദ്ധാർഥ് ആനന്ദാണ് ചിത്ര സംവിധാനം ചെയ്തിരിക്കുന്നത്.

ആഗോളതലത്തിൽ റിലീസ് ചെയ്യപ്പെട്ട ചിത്രം 5 ദിവസത്തിൽ 542 കോടി നേടിയെന്നാണ് ട്രേഡ് അനലിസ്റ്റായ തരൺ ആദർശ് ട്വീറ്റ് ചെയ്തതത്. ഇന്ത്യക്കകത്ത് നിന്ന് 335 കോടിയും ഓവർസീസ് കലക്ഷനായി 207 കോടിയുമാണ് ചിത്രം വാരിക്കൂട്ടിയതെന്നും അദ്ദേഹം ട്വിറ്ററിൽ വ്യക്തമാക്കി.

ചിത്രത്തിലെ നായിക ദീപികയുടെ ബിക്കിനി നിറവുമായി ബന്ധപ്പെട്ട വിവാദം ഉയർന്നു വന്നിരുന്നു എങ്കിലും ചിത്രത്തിന്റെ കുതിപ്പിന് തടയിടാൻ കഴിഞ്ഞില്ലെന്നതിനുള്ള തെളിവാണ് ചിത്രത്തിന്റെ വിജയം.