മുവി ഡെസ്ക്ക് : ബാലതാരമായി എത്തി മലയാളികളുടെ മനസ്സില്‍ ഇടം നേടിയ താരമാണ് നടൻ വിനീത്. സ്‌കൂള്‍ കലോത്സവത്തില്‍ കലാപ്രതിഭ പട്ടം നേടിയ ശേഷമാണ് സിനിമയിലേക്കുള്ള അവസരങ്ങള്‍ താരത്തിന് ലഭിച്ച്‌ തുടങ്ങിയത്. ഇടനിലങ്ങള്‍ ആയിരുന്നു വിനീതിന്റെ ആദ്യ ചിത്രം. പിന്നീട് പത്മരാജന്‍, ഐവി ശശി തുടങ്ങിയ മഹാരഥന്‍മാര്‍ക്കൊപ്പം തുടക്ക കാലത്ത് തന്നെ സിനിമകള്‍ ചെയ്യാന്‍ വിനീതിന് കഴിഞ്ഞു.
പത്മരാജന്റ എക്കാലത്തേയും മികച്ച പ്രണയ കാവ്യമായ മോഹന്‍ലാല്‍ ചിത്രം നമുക്ക് പാര്‍ക്കാന്‍ മുന്തിരിത്തോപ്പില്‍ വിനീതിനും ഒരു മുഴുനീള കഥാപാത്രം ലഭിച്ചിരുന്നു. ഈ സിനിമയുടെ ചിത്രീകരണ കാലത്ത് നടന്ന രസകരമായ ഒരു സംഭവം പങ്കുവെച്ചിരിക്കുകയാണ് വിനീത്. മോഹന്‍ലാലിനൊപ്പമുള്ള മദ്യപാന രംഗത്തെ കുറിച്ചാണ് വിനീത് ഓര്‍മ്മകള്‍ പങ്കുവെച്ചത്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
ഒരു കുപ്പി ബിയര്‍ മുഴുവനായി കുടിപ്പിക്കാനായിരുന്നു ലാലേട്ടന്‍ ശ്രമിച്ചത്. പക്ഷേ മദ്യം ഒഴിച്ച്‌ തരികയായിരുന്നു പിന്നീട് ചെയ്തത്. ഇത് പറഞ്ഞ് തന്റെ സുഹൃത്തുക്കള്‍ ഇപ്പോഴും കളിയാക്കാറുണ്ട്. മദ്യപാനത്തില്‍ ലാലേട്ടനില്‍ നിന്ന് ശിഷ്യത്വം സ്വീകരിച്ചെന്നും പറഞ്ഞാണ് അവര്‍ കളിയാക്കുന്നത്. ആന്റണി എന്ന ആ കഥാപാത്രം ചെയ്യുമ്പോള്‍ താന്‍ പത്താം ക്ലാസ് കഴിഞ്ഞതെ ഉണ്ടായിരുന്നുള്ളൂ. മലയാളത്തിലെ ഏറ്റവും മികച്ച റൊമാന്റിക് ചിത്രമാണ് നമുക്ക് പാര്‍ക്കാന്‍ മുന്തിരി തോപ്പുകള്‍ എന്നും ലാലേട്ടന്റെ അഭിനയം എല്ലാം അസാധ്യമാണെന്നും വിനീത് കൂട്ടിച്ചേര്‍ത്തു.