ബ്രിസ്ബേന്‍: ഇംഗ്ലണ്ടിനെതിരായ ആഷസ് ടെസ്റ്റ് പരമ്പരയിലെ ആദ്യ മത്സരത്തിനുള്ള ആസ്ട്രേലിയന്‍ ടീമിനെ പ്രഖ്യാപിച്ചു.ബ്രിസ്ബേനിലെ ഗാബയില്‍ ബുധനാഴ്ചയാണ് പരമ്പരക്ക് തുടക്കമാകുന്നത്.ഓസീസ് ടീമിനെ ഫാസ്റ്റ് ബൗളർ പാറ്റ് കമ്മിന്‍സ് നയിക്കും. മാര്‍കസ് ഹാരിസിനൊപ്പം ഡേവിഡ് വാര്‍ണറാകും ഓപ്പണ്‍ ചെയ്യുക. ട്രവിസ് ഹെഡ് ആകും അഞ്ചാമന്‍. ടെസ്റ്റ് ടീം നായക സ്ഥാനം ഒഴിഞ്ഞതിന് പിന്നാലെ ക്രിക്കറ്റില്‍ നിന്ന് ഇടവേളയെടുത്ത ടിം പെയ്നിന് പകരം അലക്സ് കാരിയാകും വിക്കറ്റ് കാക്കുക.
മോശം ഫോമിലാണെങ്കിലും സ്റ്റാര്‍ പേസര്‍ മിച്ചല്‍ സ്റ്റാര്‍ക്കിനെ ഇലവനില്‍ ഉള്‍പെടുത്തിയിട്ടുണ്ട്. ട്വന്‍റി20 ലോകകപ്പില്‍ നിറം മങ്ങിയ സ്റ്റാര്‍ക് ഇന്ത്യക്കെതിരായ ടെസ്റ്റ് പരമ്പരയില്‍ നിര്‍ണായകമായ ഗാബ ടെസ്റ്റിലും പരാജയമായിരുന്നു.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
നഥാന്‍ ലിയോണാകും സ്പിന്‍ ആക്രമണം നയിക്കുക. അവസാന രണ്ട് ഷെഫീല്‍ഡ് ഷീല്‍ഡ് മത്സരങ്ങളില്‍ നിന്നായി 15 വിക്കറ്റ് പിഴുത ജൈ റിച്ചാഡ്സണാണ് സ്ക്വാഡിലെ മൂന്നാമത്തെ പേസര്‍. മത്സരത്തിന് തൊട്ടുമുമ്പായി ടീമിനെ പ്രഖ്യാപിക്കുമെന്ന് ഇംഗ്ലീഷ് ക്യാപ്റ്റന്‍ ജോ റൂട്ട് പറഞ്ഞു.
ആസ്ട്രേലിയന്‍ ടീം: മാര്‍കസ് ഹാരിസ്, ഡേവിഡ് വാര്‍ണര്‍, മാര്‍നസ് ലബുഷെയ്ന്‍, സ്റ്റീവ് സ്മിത്ത്, ട്രവിസ് ഹെഡ്, കാമറൂണ്‍ ഗ്രീന്‍, അലക്സ് കാരി (വിക്കറ്റ് കീപ്പര്‍), പാറ്റ് കമ്മിന്‍സ് (ക്യാപ്റ്റന്‍), മിച്ചല്‍ സ്റ്റാര്‍ക്, ജോഷ് ഹെയ്സല്‍വുഡ്, നഥാന്‍ ലിയോണ്‍.
