തൃശ്ശൂര്: അതിരപ്പിള്ളി വനത്തില് അതിക്രമിച്ച് കയറുകയും കൃത്യനിർവഹണം തടസപ്പെടുത്തുകയും ചെയ്ത യുവാവിനെ വനംവകുപ്പ് ജീവനക്കാരുടെ പരാതിയില് പൊലീസ് അറസ്റ്റ് ചെയ്തു. അതിരപ്പിള്ളി സ്വദേശി റൂബിൻ ലാലാണ് അറസ്റ്റിലായത്. ഞായറാഴ്ചയായിരുന്നു കേസിന് ആസ്പദമായ സംഭവം നടന്നത്. വനമേഖലയില് വെച്ച് അപകടത്തില്പ്പെട്ട് പന്നിക്ക് ഗുരുതരമായി പരിക്കേറ്റിരുന്നു.
Advertisements
വനപാലകരും ഡോക്ടറും രക്ഷാപ്രവർത്തനം നടത്തുന്നതിനിടെ സ്ഥലത്തെത്തിയ റൂബിൻലാല് വനംവകുപ്പ് ഉദ്യോസ്ഥരോട് അപമര്യാദയായി പെരുമാറി എന്നാണ് കേസ്. തുടർന്നാണ് റൂബിൻ ലാലിനെതിരെ വനംവകുപ്പ് ഉദ്യോസ്ഥര് പരാതി നല്കിയത്. വനത്തില് അതിക്രമിച്ച് കയറിയതിന് വനം വകുപ്പും ഇയാള്ക്കെതിരെ കേസെടുത്തിട്ടുണ്ട്.