കുഞ്ചാക്കോ ബോബനും ബിജു മേനോനും വീണ്ടും ഒന്നിക്കുന്ന സന്തോഷത്തെ ,’തന്റെ ഡ്രീം കോമ്പോ’ എന്ന് വിശേഷിപ്പിച്ച് നടൻ കുഞ്ചാക്കോ ബോബൻ . തന്റെ ഫേസ്ബുക്ക് അക്കൗണ്ട് വഴിയാണ് പുതിയ ചിത്രത്തിന്റെ വിശേഷങ്ങൾ മറ്റും കുഞ്ചാക്കോ പങ്കുവെച്ചത്.
എന്റെ ഡ്രീം കോമ്പോയില്‍ ഒന്ന്. എന്റെ അടുത്ത സുഹൃത്തുക്കളില്‍ ചിലര്‍. ഇൻഡസ്‍ട്രിയിലെ മികച്ച ചിലര്‍. ‘നായാട്ടി’നു ശേഷം മാര്‍ട്ടി പ്രക്കാടിന്റെ സംവിധാനം, രതീഷ് പൊതുവാളിന്റെ തിരക്കഥ, ഷൈജു ഖാലിദിന്റെ വിഷ്വല്‍സ്, എന്റെ എവര്‍ഗ്രീൻ ജോഡി ബിജു മേനോൻ എന്നുമാണ് പുതിയ സിനിമയെ കുറിച്ച് കുഞ്ചാക്കോ ബോബൻ കുറിച്ചത്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
‘നായാട്ട്’ എന്ന ഹിറ്റ് ചിത്രത്തിനു ശേഷം മാര്‍ട്ടിന്റെ സംവിധാനത്തില്‍ കുഞ്ചാക്കോ ബോബൻ അഭിനയിക്കുന്ന ചിത്രമാണ് ഇത്.
കുഞ്ചാക്കോ ബോബൻ പ്രൊഡക്ഷൻസ്, ഗ്രീൻ റൂം പ്രൊഡക്ഷൻസ്, മാര്‍ട്ടിൻ പ്രക്കാട്ട് ഫിലിംസ് എന്നീ കമ്പനികൾ സംയുക്തമായാണ് സിനിമയുടെ നിര്‍മ്മാണ നിർവ്വഹണം. വാർത്താ പ്രചരണം സ്നേക്പ്ലാന്റ് ആണ്.
അതേസമയം, കുഞ്ചാക്കോ ബോബൻ നായകനായി ഒടുവിലെത്തിയ ചിത്രം ‘പകലും പാതിരാവും’ ആണ്. അജയ് വാസുദേവാണ് ചിത്രത്തിന്റെ സംവിധാനം. രജിഷ് വിജയൻ ആണ് നായിക. ഗുരു തോമസുന്ദരവും ചിത്രത്തിലെ പോലീസ് കഥാപാത്രമായി എത്തുന്നു.
ഫായിസ് സിദ്ദിഖ് ആണ് ഛായാഗ്രാഹണം. ശ്രീ ഗോകുലം മൂവീസിന്‍റെ ബാനറില്‍ ഗോകുലം ഗോപാലന്‍ ആണ് നിര്‍മ്മിച്ചിരിക്കുന്നത്.
