ജീരകം എല്ലാവർക്കും അറിയാമെങ്കിലും കരിഞ്ചീരകത്തെ കുറിച്ച് ആർക്കും വലിയ പിടിയില്ലായിരിക്കും. ഭക്ഷണ പാകം ചെയ്യുമ്പോൾ ഉപയോഗിക്കാം എന്നതിൽ അപ്പുറം കരിഞ്ചീരകത്തിന്റെ ഗുണങ്ങൾ അധികം ആർക്കും അറിയാൻ വഴിയില്ല. ശരീരഭാരം കുറയ്ക്കാന്‍ ആഗ്രഹിക്കുന്നവരാണ് നിങ്ങള്‍ എങ്കില്‍ കരിഞ്ചീരകം അതിനുള്ള മികച്ച ഒരു വഴിയാണ്.
കരിഞ്ചീരകത്തില്‍ പലവിധത്തിലുള്ള ബയോആക്ടീവ് ഘടകങ്ങള്‍ അടങ്ങിയിരിക്കുന്നു. പ്രത്യേകിച്ച് ആന്റിഓക്‌സിഡന്റ് ധാരാളം അടങ്ങിയിരിക്കുന്നതിനാൽ ഇത് വെള്ളം തിളപ്പിച്ച് കുടിക്കുന്നതിലൂടെ നമ്മള്‍ക്ക് വിശപ്പ് കുറയ്ക്കാന്‍ സാധിക്കുന്നു. വിശപ്പ് കുറയുമ്പോള്‍ അതിനനുസരിച്ച് നമ്മളുടെ ശരീരത്തില്‍ നിന്നും കലോറി കുറയ്ക്കാന്‍ ഇത് സഹായിക്കുന്നുണ്ട്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
അതുപോലെ തന്നെ നമ്മളുടെ ശരീരത്തിലെ മെറ്റബോളിസം വര്‍ദ്ധിപ്പിക്കാന്‍ ഇത് വളരെയധികം സഹായിക്കുന്നുണ്ട്. മെറ്റബോളിസം വര്‍ദ്ധിച്ചാല്‍ മാത്രമാണ് ശരീരത്തില്‍ നിന്നും കൊഴുപ്പ് കുറച്ച് ശരീരഭാരം കുറയ്ക്കാന്‍ നമ്മള്‍ക്ക് സാധിക്കുക. അതുപോലെ തന്നെ ശരീരഭാരം വര്‍ദ്ധിപ്പിക്കുന്ന മറ്റൊരു ഘടകമാണ് നമ്മളുടെ രക്തത്തിലെ പഞ്ചസ്സാരയുടെ അളവ്. ഇത് കുറയ്ക്കാന്‍ കരിഞ്ചീരകം സഹായിക്കുന്നുണ്ട്. അതുപോലെ തന്നെ ആന്റിഇന്‍ഫ്‌ലമേറ്ററി ഘടകങ്ങള്‍ അടങ്ങിയിരിക്കുന്നതിനാല്‍ തന്നെ അമിത വണ്ണം വാരാതിരിക്കാന്‍ ഇത് സഹായിക്കുന്നുണ്ട്.
രാത്രി കിടക്കുന്നതിന് മുന്‍പ് ഒരു ഗ്ലാസ്സ് വെള്ളത്തില്‍ രണ്ട് ടീസ്പൂണ്‍ കരിഞ്ചീരകം ചേര്‍ക്കണം. ഇത് പിറ്റേ ദിവസം രാവിലെ വെറും വയറ്റില്‍ നിങ്ങള്‍ക്ക് കുടിക്കാവുന്നതാണ്. വെള്ളത്തിന് കുറച്ച് കൈപ്പ് അനുഭവപ്പെട്ടെന്ന് വരാം. പക്ഷേ, മുഴുവന്‍ വെള്ളവും അതുപോലെ തന്നെ അതില്‍ കുതിര്‍ന്ന കരിഞ്ചീരകവും നിങ്ങള്‍ കഴിക്കാന്‍ ശ്രദ്ധിക്കേണ്ടത് അനിവാര്യമാണ്. അതുപോലെ, ആദ്യമായി ഇത് കുടിക്കുന്നവരാണെങ്കില്‍ രാത്രിയില്‍ 1 ടീസ്പൂണ്‍ കരിഞ്ചീരകം മാത്രം ചേര്‍ത്താല്‍ മതിയാകും. പിന്നീട് നിങ്ങള്‍ക്ക് അളവ് കൂട്ടാവുന്നതാണ്.
കരിഞ്ചീരകം ചേര്‍ക്കുന്നതിന് പകരം നിങ്ങള്‍ക്ക് കരിഞ്ചീരകത്തിന്റെ എണ്ണ ചേര്‍ക്കാവുന്നതാണ്. ഇതിനായി ഒരു ഗ്ലാസ്സ് വെള്ളത്തില്‍ 1 ടേബിള്‍സ്പൂണ്‍ കരിഞ്ചീരകത്തിന്റെ എണ്ണ ചേര്‍ക്കാവുന്നതാണ്. ഇത് തലേദിവസം ഒഴിച്ച് മിക്‌സ് ചെയ്ത് വെക്കണം. അതിന് ശേഷം പിറ്റേദിവസം രാവിലെ വെറും വയറ്റില്‍ കുടിക്കാവുന്നതാണ്. ഇതും ശരീരഭാരം കുറയ്ക്കാന്‍ സഹായിക്കുന്നതാണ്.
കരിഞ്ചീരകം കഴിച്ചാല്‍ ശരീരഭാരം കുറയ്ക്കാന്‍ സാധിക്കും എന്നതിനേക്കാളുപരി, ഇതിന് നിരവധി ആരോഗ്യ ഗുണങ്ങള്‍ ഉണ്ട്. ഇതിന് ശരീരത്തില്‍ ഉണ്ടാകുന്ന വീക്കം കുറയ്ക്കാന്‍ സാധിക്കുന്നതാണ്. ഓക്‌സിഡേറ്റീവ് സ്‌ട്രെസ്സ് കുറയ്ക്കാന്‍ സാധിക്കും. അതുപോലെ, നമ്മളുടെ രോഗപ്രതിരോധശേഷി വര്‍ദ്ധിപ്പിക്കാന്‍ കരിഞ്ചീരകം വളരെ നല്ലതാണ്. കൂടാതെ, നമ്മളുടെ ശരീരത്തെ അണുക്കളില്‍ നിന്നും സംരക്ഷിക്കാന്‍ ഇത് സഹായിക്കുന്നുണ്ട്. അതുപോലെ, രക്തത്തിലെ പഞ്ചസ്സാരയുടെ അളവ് നിയന്ത്രിക്കാന്‍ ഇത് സഹായിക്കുന്നുണ്ട്. അതിനാല്‍ തന്നെ പ്രമേഹരോഗികള്‍ക്ക് ഇത് വളരെ നല്ലതാണ്.
അതുപോലെ, ശരീരത്തില്‍ നിന്നും ചീത്ത കൊളസ്‌ട്രോള്‍ കുറയക്കാന്‍ ഇത് സഹായിക്കുന്നുണ്ട്. ഇത് ഹൃദയത്തിന്റെ ആരോഗ്യത്തിന് വളരെ നല്ലതാണ്. അതുപോലെ, അസ്മ പോലെയുള്ള അസുഖങ്ങള്‍ ഉണ്ടെങ്കില്‍ അത് കുറയക്കാനും ശ്വാസകോശത്തിന്റെ ആരോഗ്യം നിലനിര്‍ത്താനും കരിഞ്ചീരകം സഹായിക്കുന്നുണ്ട്. കൂടാതെ, ദഹനം കൃത്യമായി നടക്കാന്‍ കരിഞ്ചീരകം നല്ലതാണ്. നമ്മളുടെ ചര്‍മ്മത്തിന്റെ ആരോഗ്യം നിലനിര്‍ത്താനും ഇത് സഹായിക്കുന്നുണ്ട്. ചര്‍മ്മത്തില്‍ നിന്നും കുരുക്കള്‍ ഇല്ലാതാക്കാനും ഇത് വളരെ നല്ലതാണ്. മലബന്ധ പ്രശ്‌നങ്ങള്‍ നേരിടുന്നവര്‍ക്ക് കരിഞ്ചീരകം വളരെ നല്ലതാണ്.
കരിഞ്ചീരകത്തിന് ഗുണങ്ങള്‍ ഉള്ളത് പോലെ തന്നെ അതിന് ദോഷവശങ്ങളും ഉണ്ട്. പ്രത്യേകിച്ച് അലര്‍ജി പ്രശ്‌നങ്ങള്‍ ഉള്ളവര്‍ കരിഞ്ചീരകം കഴിക്കുമ്പോള്‍ ശ്രദ്ധിക്കേണ്ടത് അനിവാര്യമാണ്. ഇത് ചര്‍മ്മത്തില്‍ ചൊറിച്ചില്‍ അതുപോലെ വീക്കം, ശ്വാസിക്കാന്‍ ബുദ്ധിമുട്ട് എന്നീ പ്രശ്‌നങ്ങള്‍ സൃഷ്ടിക്കുന്നതിന് കാരണമാകുന്നുണ്ട്.
അതുപോലെ, അമിമായി കഴിക്കുന്നത് പലപ്പോഴും വയറ്റില്‍ അസിഡിറ്റി നിറയ്ക്കുന്നതിന് കാരണമാണ്. ഇത് ചിലപ്പോള്‍ വയറിളക്കം, വയര്‍ ചീര്‍ക്കല്‍ എന്നീ ആരോഗ്യ പ്രശ്‌നങ്ങളിലേയ്ക്ക് നയിക്കാം. അതുപോലെ തന്നെ അമിതമായി കഴിച്ചാല്‍ അത് ഷുഗര്‍ അമിതമായി കുറയുന്നതിനും കാരണമാകുന്നു. ഇത് മറ്റ് ആരോഗ്യ പ്രശ്‌നങ്ങളിലേയ്ക്ക് നയിക്കാം.
അതുപോലെ തന്നെ രക്തസമ്മര്‍ദ്ദം പെട്ടെന്ന് കുറയുന്നതിനും ഇത് കാരണമാകാം. അതിനാല്‍ പ്രഷര്‍, ഷുഗര്‍ കുറവുള്ളവര്‍ കരിഞ്ചീരകം കഴിക്കുമ്പോള്‍ ശ്രദ്ധിക്കേണ്ടത് അനിവാര്യമാണ്. അതിനാല്‍, കരിഞ്ചീരകം ഉപയോഗിക്കും മുന്‍പ് നിങ്ങളുടെ ഡോക്ടറോട് സംസാരിച്ചതിന് ശേഷം മാത്രം ഉപയോഗിക്കുക. പ്രത്യേകിച്ച് ഗര്‍ഭിണികള്‍, അതുപോലെ എന്തെങ്കിലും അസുഖത്തിന് മരുന്ന് കഴിക്കുന്നവരാണ് നിങ്ങള്‍ എങ്കില്‍ തീര്‍ച്ചയായും ഡോക്ടറെ കാണിക്കേണ്ടത് അനിവാര്യമാണ്.
