ഷുഗര്‍ ഒരു പാരമ്പര്യരോഗവും ജീവിതശൈലീരോഗവുമാണ്. നിശബ്ദ കൊലയാളി എന്നു പറയാം. നാം അറിയാതെ തന്നെ നമ്മെ കാര്‍ന്നു തിന്നുള്ള ഒന്ന്. ലോകത്തെ കണക്കെടുത്താല്‍ ഇന്ത്യയില്‍ പ്രമേഹരോഗം ഏറ്റവും കൂടുതലാണ്. ഇതില്‍ തന്നെ മലയാളികള്‍ പിന്നിലുമല്ല. പാരമ്പര്യവും ജീവിതശൈലിയുമെല്ലാം തന്നെ പ്രമേഹത്തിന് പ്രധാന കാരണമായി വരുന്നു. ഷുഗര്‍ നിയന്ത്രണത്തിന് ഇതിനാല്‍ ചിട്ടയായ ജീവിതചിട്ടകളും ഒപ്പം വ്യായാമവും ഭക്ഷണ നിയന്ത്രണവുമെല്ലാം ഗുണം നല്‍കും. കൃത്യമായി നിയന്ത്രിയ്ക്കാന്‍ സാധിയ്ക്കുന്നില്ലെങ്കില്‍ ഡോക്ടറുടെ നിര്‍ദേശം തേടുന്നത് നല്ലതാണ്.
ഷുഗര്‍
ഭക്ഷണനിയന്ത്രണത്തിലൂടെ മാത്രം ഷുഗര്‍ നിയന്ത്രിയ്ക്കാന്‍ സാധിയ്ക്കില്ല. ഇതിനൊപ്പം വ്യായാമവും ഒപ്പം ഡോക്ടറുടെ നിര്‍ദേശപ്രകാരമുള്ള മരുന്നുകളുമെല്ലാം തന്നെ ഇതിന് പ്രധാനമാണ്. ചില കേസുകളില്‍ മരുന്നുകള്‍ അത്യാവശ്യമായി വരുന്നു. എന്നാല്‍ പ്രമേഹത്തിന് മരുന്നെടുത്ത് തുടങ്ങിയാല്‍ ഇത് സ്ഥിരം എടുക്കേണ്ടി വരുമെന്ന തെറ്റിദ്ധാരണയാല്‍ മരുന്ന് കഴിയ്‌ക്കേണ്ട ആവശ്യമെങ്കില്‍ പോലും ഇത് ഒഴിവാക്കുന്നവരുണ്ട്. ഇത് കൂടുതല്‍ അപകടത്തിലേയ്ക്ക് വഴിയൊരുക്കും.
ഇഡ്ഢലി
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
നാം ഷുഗര്‍ നിയന്ത്രണത്തിന് എന്തു കഴിയ്ക്കണം എന്നതിനേക്കാള്‍ എങ്ങിനെ കഴിയ്ക്കണം എന്നത് പ്രധാനമാണ്. നാം പൊതുവേ നാല് നേരമായാണ് ഭക്ഷണം കഴിയ്ക്കുക. രാവിലെ, ഉച്ചയ്ക്ക്, വൈകീട്ട്, രാത്രി എന്നിവയാണിത്. ഇതിന് പകരം അളവ് കുറച്ച് പല നേരമായി കഴിയ്ക്കാം. നാം പൊതുവേ ചായ, കാപ്പി ശീലങ്ങളിലൂടെയാണ് ദിവസം തുടങ്ങുക. ഇത് ഒഴിവാക്കാന്‍ പറ്റുന്നവരെങ്കില്‍ ഇത് ഒഴിവാക്കുക. പറ്റില്ലെങ്കില്‍ മധുരം ചേര്‍ക്കാതെ കട്ടന്‍ ചായ പോലെയാക്കി കുടിയ്ക്കുക. പ്രാതല്‍ നാം പൊതുവേ ഇഡ്ഢലി, ദോശ എന്നിവയാണ് കഴിയ്ക്കുന്നത്. ഇത് അരി പുളിപ്പിച്ചാണ് തയ്യാറാക്കുന്നത്. ഇത്തരത്തില്‍ പുളിപ്പിച്ചുള്ള ഭക്ഷണങ്ങള്‍ ഗ്ലൈസമിക് ഇന്‍ഡെക്‌സ്, അതായത് രക്തത്തില്‍ ഷുഗര്‍തോത് വര്‍ദ്ധിപ്പിയ്ക്കുന്നവയാണ്. ഇതിനാല്‍ ഇവ ഒഴിവാക്കുക. ഇത് വേണമെങ്കില്‍ അരിയും ഉഴുന്നും എടുക്കുന്നതില്‍ ഉഴുന്ന് കൂടുതല്‍ എടുക്കുക. ഉഴുന്നില്‍ പ്രോട്ടീന്‍ കൂടുതലാണ്.
ഇതില്‍ ഉലുവാ കൂടി ചേര്‍ത്ത് തയ്യാറാക്കാം. ഇതിനായി ഉപയോഗിയ്ക്കുന്നത് വെള്ളരിയ്ക്ക് പകരം മട്ടയരിയോ മറ്റോ ഉപയോഗിയ്ക്കുക. ഇതുപോലെ പുട്ട് പോലുള്ളവ തയ്യാറാക്കുമ്പോള്‍ ഇതും നാരുള്ള അരി കൊണ്ടുണ്ടാക്കാം. പച്ചക്കറികള്‍ ചേര്‍ക്കാം. ഇതിനൊപ്പം പയര്‍ പോലുള്ളവ കറിയാക്കി കഴിയ്ക്കാം. പുട്ടിന്റെ അളവ് കുറച്ച് അത്ര തന്നെ പയര്‍ കറിയാക്കി കഴിയ്ക്കാം. ഉപ്പുമാവ് പോലുള്ള തയ്യാറാക്കുമ്പോള്‍ ധാരാളം പച്ചക്കറികള്‍ ചേര്‍ക്കാം. ഇടനേരത്ത് വറുത്തവ ഒഴിവാക്കി സാലഡുകളോ നട്‌സോ കഴിയ്ക്കാം. ഇവ ആരോഗ്യകരമാണ്, വിശപ്പും കുറയ്ക്കും.
റാഗി
ഉച്ചയ്ക്കുള്ള ഊണിന് മട്ടഅരി എടുക്കുക. വെളുത്ത അരിയ്ക്ക് ഗ്ലൈസമിക് ഇന്‍ഡെക്‌സ് കൂടുതലാണ്. പാത്രത്തില്‍ കുറവ് ചോറും ധാരാളം കറികളും കഴിയ്ക്കാം. മീന്‍ കറി വച്ചത്, ചീര, മറ്റ് പച്ചക്കറികള്‍, കൊഴുപ്പ് കളഞ്ഞ തൈര് എന്നിവയെല്ലാം തന്നെ ഏറെ ഗുണം നല്‍കുന്നവയാണ്. പയര്‍ വര്‍ഗങ്ങള്‍ മുളപ്പിച്ച് കഴിയ്ക്കാം. ഇവ മുളപ്പിച്ച് ചെറിയ സസ്യമാകുമ്പോള്‍ അത് മുളപ്പിച്ച് കഴിയ്ക്കാം. വൈകീട്ടുള്ള ചായക്ക് പകരം ഗ്രീന്‍ ടീ മധുരമില്ലാതെ കഴിയ്ക്കാം. സ്‌നാക്‌സായി നട്‌സ് കഴിയ്ക്കാം, ഫ്രൂട്‌സ് കഴിയ്ക്കാം. കപ്പലണ്ടി പോലുള്ളവ വിശക്കുന്നുവെങ്കില്‍ പുഴുങ്ങിക്കഴിയ്ക്കാം. വൈറ്റമിന്‍ എ അടങ്ങിയ ഫ്രൂട്‌സ് നല്ലതാണ്. ഓറഞ്ച്, പേരയ്ക്ക്, തണ്ണിമത്തന്‍ എന്നിവയെല്ലാം ഏറെ നല്ലതാണ്. രാത്രിയില്‍ അരി ഒഴിവാക്കി ഗോതമ്പോ റാഗിയോ കഴിയ്ക്കാം. ഗോതമ്പെങ്കില്‍ത്തന്നെ ഒന്നോ രണ്ടോ ചപ്പാത്തി മാത്രം കഴിയ്ക്കാം, ഒപ്പം സാലഡുകളും മറ്റ് പച്ചക്കറികളും പനീര്‍ പോലുള്ളവയെല്ലാം കഴിയ്ക്കാം. അത്താഴം എഴിന് തന്നെ കഴിയ്ക്കുക. പിന്നീട് ഭക്ഷണം ഒഴിവാക്കുക. അത്രയ്ക്ക് വിശപ്പുണ്ടെങ്കില്‍ മധുരം കുറഞ്ഞ പഴങ്ങള്‍ കഴിയ്ക്കാം.
പരിശോധന
ഇതുപോലെ വ്യായാമം ഏറെ പ്രധാനമാണ്. ദിവസം അര മണിക്കൂര്‍ വ്യായാമം, ചുരുങ്ങിയ പക്ഷം നടപ്പെങ്കിലും ശീലമാക്കുക. ഇതുപോലെ സമയത്ത്, ആവശ്യത്തിന് ഉറക്കം പ്രധാനമാണ്. സ്‌ട്രെസ് പോലുള്ളവ നിയന്ത്രിയ്ക്കാന്‍ ആവശ്യമായ വഴികള്‍ കണ്ടെത്തുക. മദ്യപാന, പുകവലി ശീലങ്ങള്‍ പൂര്‍ണമായും ഒഴിവാക്കാനും ശ്രദ്ധിയ്ക്കുക. കൃത്യമായ ഇടവേളകളില്‍ പ്രമേഹ പരിശോധന നടത്തുകയും പ്രമേഹമില്ലെങ്കില്‍ തന്നെ പ്രീ ഡയബെറ്റിക് ആണോ എന്നറിയാനുള്ള പരിശോധന നടത്തുകയും ചെയ്യുക.
