പട്ടിയേയും പൂച്ചയേയുമൊക്കെ കാറിലും ബൈക്കിലുമൊക്കി ഇരുത്തി കൊണ്ടുപോകുന്നത് നാം കാണാറുണ്ട്. എന്നാൽ ഇതൊന്നുമല്ലാതെ ഒരു കാളയെ ഇത്തരത്തിൽ കൊണ്ടു പോയാൽ എങ്ങനെ ഇരിക്കും? കാര്യം സത്യമാണ്. അത്തരത്തിൽ ഒരു വലിയ കാളയേയും കയറ്റി ഒരാൾ ബൈക്കിൽ പോകുന്ന ഒരു വീഡിയോ ആണ് സോഷ്യൽ മീഡിയയിൽ വൈറലായിരിക്കുന്നത്.
ട്വിറ്റർ യൂസറായ Naresh Nambisan -നാണ് വീഡിയോ ട്വിറ്ററിൽ ഷെയർ ചെയ്തിരിക്കുന്നത്. ട്വിറ്ററിൽ ഷെയർ ചെയ്തിരിക്കുന്ന വീഡിയോയിൽ ഒരാൾ ഒരു കാളയേയും മുന്നിലിരുത്തി ബൈക്കോടിച്ച് പോകുന്നതാണ് കാണാൻ കഴിയുക. അതും ചെറിയ കാളയൊന്നുമല്ല ഒരു വലിയ കാള തന്നെ.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
യുവാവ് കാളയേയും ഇരുത്തി വളരെ അനായാസമായി തന്നെയാണ് ബൈക്ക് ഓടിച്ച് പോകുന്നത് എന്ന് തോന്നും വീഡിയോ കാണുമ്പോൾ. തൊട്ടടുത്ത് കൂടി പോയ വാഹനത്തിലിരുന്നാണ് വീഡിയോ പകർത്തിയിരിക്കുന്നത്. 12 സെക്കന്റ് മാത്രമാണ് വീഡിയോയുടെ ദൈർഘ്യം.
എങ്ങനെയാണ് യുവാവ് ആ കാളയെ ബൈക്കിൽ കയറ്റിയിരുത്തിയത് എന്ന് ആരും ഒന്ന് ആലോചിച്ചു പോകും.
പക്ഷേ, എങ്കിലും അനേകം പേരാണ് വീഡിയോ ട്വിറ്ററിൽ കണ്ടിരിക്കുന്നത്. ഒട്ടേറെപ്പേർ വീഡിയോയ്ക്ക് കമന്റുകളുമായും എത്തി. പലരും ചൂണ്ടിക്കാട്ടിയത് ഇതിലെ അപകടം തന്നെയാണ്. ഇതൊട്ടും തമാശയല്ല എന്നാണ് പലരും കുറിച്ചിരിക്കുന്നത്. എതിർവശത്തു നിന്നും അപ്രതീക്ഷിതമായി വാഹനം വന്നാൽ യുവാവിന് ബ്രേക്ക് പോലും പിടിക്കാനാവില്ല എന്നും പലരും കുറിച്ചു.
