ചെങ്ങന്നൂർ പാണ്ടനാട് ഗ്രാമപഞ്ചായത്തിൽ നടന്ന ഉപതെരഞ്ഞെടുപ്പിൽ കോൺഗ്രസ് സ്ഥാനാർത്ഥിക്ക് നാടകീയ വിജയം

ചെങ്ങന്നൂർ :പണ്ടനാട് ഗ്രാമപഞ്ചായത്ത് തെരഞ്ഞെടുപ്പിൽ കോൺഗ്രസിന് അട്ടിമറി ജയം. കോൺഗ്രസ്സ് സ്ഥാനാർത്ഥി ജോസ് വല്യാനൂർ 40 വോട്ടുകൾക്കാണ് സി.പി.എം സ്വതന്ത്ര സ്ഥാനാർത്ഥി ആശാ വി.നായരെ പരാജയപ്പെടുത്തിയത്.
ആശാ വി. നായർ ബിജെപി വിട്ട് സിപിഎം ൽ ചേർന്നതോടെ പഞ്ചായത്തംഗത്വം രാജിവച്ച ഒഴിവിലാണ് തെരഞ്ഞെടുപ്പ് നടന്നത്.

യു.ഡി.എഫ് സ്ഥാനാർത്ഥിയായി കഴിഞ്ഞ തവണ ആശയോട് മത്സരിച്ച് പരാജയപ്പെട്ട ജോസ് വല്യാനൂർ ഇത്തവണത്തെ വിജയം മധുരമേറുന്നതായി. വോട്ട് നില കോൺഗ്രസ് – 260,സിപിഎം – 220,ബിജെപി – 116

പാണ്ടനാട് ഏഴാംവാർഡ് വന്മഴി വെസ്റ്റ് വാർഡിലാണ് ഉപതെരഞ്ഞെടുപ്പ് നടന്നത്.
ആശയുടെ രാജിയെ തുടർന്ന് പാണ്ടനാട് പഞ്ചായത്ത് ഭരണം കൂടി നഷ്ടമായതോടെ ആലപ്പുഴ ജില്ലയിൽ ബി.ജെ.പി. ഭരിക്കുന്ന പഞ്ചായത്തുകൾ ഇല്ലാതായിരുന്നു.
ഇനി ഇപ്പോൾ സി.പി.എം- 5,ബി ജെ പി – 5
കോൺഗ്രസ് – 3 എന്നിങ്ങനെയാണ് കക്ഷിനില.