പാമ്പാടി : ചേന്നംപള്ളില്‍ ഐശ്വര്യ ഗന്ധര്‍വ്വ സ്വാമി ക്ഷേത്രത്തിലെ ഉത്സവവും, സര്‍പ്പപൂജയും 14ന് നടക്കും. രാവിലെ 6.30ന് അഷ്ടദ്രവ്യ ഗണപതിഹോമത്തോടെ വിശേഷാല്‍ ചടങ്ങുകള്‍ ആരംഭിക്കും. 10ന് കലശപൂജയും തുടര്‍ന്ന് കലാഭിഷേകവും നടക്കും. 11ന് കലശത്തോടു കൂടിയ സര്‍പ്പപൂജ. വൈകുന്നേരം 6.30ന് ദീപാരാധന, 6.45ന് ഭഗവതിസേവ തുടര്‍ന്ന് അത്താഴപൂജയും ഭജനയും നടക്കും.
ഉത്സവ ചടങ്ങുകള്‍ക്ക് തന്ത്രി ചീരക്കാട്ട് നാരായണന്‍ നമ്പൂതിരി, പുതുക്കുളം എണാട്ടില്ലത്ത് വാസുദേവന്‍ നമ്പൂതിരി, ക്ഷേത്രം മേല്‍ശാന്തി പുതു ശ്ശേരി ഇല്ലം ശ്രീക്കുട്ടന്‍ നമ്പൂതിരി തുടങ്ങിയവര്‍ മുഖ്യകാര്‍മ്മികത്വം വഹിക്കും.
ചേന്നംപള്ളി ടെമ്പിള്‍ ആന്റ് വെല്‍ഫയര്‍ സൊസൈറ്റി പ്രസിഡന്റ് സി. എന്‍. വിശ്വമോഹനന്‍ നായര്‍, സെക്രട്ടറി കെ.എസ്.ജെ പണിക്കര്‍, ട്രഷറര്‍ വി. ക. കൃഷ്ണന്‍കുട്ടി തുടങ്ങിയവര്‍ ഉത്സവ ചടങ്ങുകള്‍ക്ക് നേതൃത്വം നല്‍കും.
ചേന്നംപള്ളില്‍ ഐശ്വര്യ ഗന്ധര്‍വ്വ സ്വാമി ക്ഷേത്രത്തില്‍ ഉത്സവം 14 ന്
Advertisements
