‘കണ്ണുകളിലെ വേദനയും, അലസമായ ഭാവങ്ങളും’ ; കാശ്മീരി പെൺകുട്ടിയായി ദിൽഷ; ചിത്രങ്ങൾ വൈറൽ

നർത്തകിയായി വന്ന് ബിഗ് ബോസിലൂടെ വളരെ പെട്ടെന്ന് തന്നെ പ്രശസ്തയായ താരമാണ് ദിൽഷ പ്രസന്നൻ . ബിഗ് ബോസ് കിരീട നേട്ടത്തിനു ശേഷം ദിൽഷ ഏറെ വിവാദങ്ങളിൽ പെട്ടിരുന്നു. നിരവധി സൈബർ അറ്റാക്കുകളും ഏൽക്കേണ്ടി വന്നിട്ടുണ്ട് താരത്തിന്. ദിൽഷയുടെ ഡാൻസ് വീഡിയോകളും ഫോട്ടോഷൂട്ട്മെല്ലാം ഇരുകൈയ്യും നീട്ടിയാണ് ആരാധകർ സ്വീകരിക്കുന്നത്.  ഇപ്പോഴിതാ കാശ്മീരി പെൺകുട്ടിയുടെ ലുക്കിലുള്ള പുതിയ ഫോട്ടോയാണ് സോഷ്യൽ മീഡിയയിൽ വൈറലായി കൊണ്ടിരിക്കുന്നത്.

നീണ്ട പിന്നിയിട്ട മുടിയും അയഞ്ഞ വസ്ത്രങ്ങളുമായി ഒരു കശ്മീർ പെൺകൊടിയായി കുതിരപ്പുറത്താണ് യാത്ര. കൂടാതെ വൻമരത്തിന് കീഴെ കുതിരയെ നിർത്തി വിശ്രമിക്കുന്ന ചിത്രങ്ങളും താരം പങ്കിട്ടിട്ടുണ്ട്. ചിത്രങ്ങൾക്ക് നിരവധി പ്രതികരണങ്ങളാണ് ലഭിക്കുന്നത്. ദിൽഷ എടുത്തിരിക്കുന്ന പരിശ്രമത്തിന് അഭിനന്ദനമാണ് കമന്റിലൂടെ നൽകുന്നത്.

അതേസമയം, അനൂപ് മേനോന്‍ സ്റ്റോറീസ് അവതരിപ്പിക്കുന്ന ‘ഓ സിന്‍ഡ്രല്ല’ എന്ന ചിത്രത്തില്‍ നായികയായി ദില്‍ഷ സിനിമാ ലോകത്ത് എത്തുകയാണ്. അജു വര്‍ഗീസ് ആണ് മറ്റൊരു പ്രധാന കഥാപാത്രത്തെ അവതരിപ്പിക്കുന്നത്. ദിനേശ് പ്രഭാകർ, ശ്രീകാന്ത് മുരളി എന്നിവരാണ് മറ്റ് താരങ്ങൾ.

റെണോൾസ് റഹ്മാൻ ആണ് സംവിധാനം. ഛായാഗ്രഹണം മഹാദേവൻ തമ്പി. പ്രോജക്ട് മാനേജർ ബാദുഷ എൻ.എം. അനൂപ് മേനോൻ സ്റ്റോറീസിന്റെ ബാനറിൽ അനൂപ് മേനോൻ ആണ് നിർമാണം. വാർത്ത പ്രചരണം: പി.ശിവപ്രസാദ്