ഭക്ഷണം നമ്മുടെ ജീവിതത്തിന്റെ ഒരു പ്രധാന ഭാഗമാണ്. ഭക്ഷണ ശീലങ്ങൾ നമ്മുടെ വ്യക്തിത്വത്തെക്കുറിച്ച് വെളിപ്പെടുത്തുന്നു. നാം ഭക്ഷണം കഴിക്കുന്ന രീതിയും നമ്മുടെ പ്രവർത്തനരീതിയും തമ്മിൽ ബന്ധമുള്ളതായി ഗവേഷകർ പറയുന്നു. ഏത് രീതിയിലാണ് നിങ്ങൾ ഭക്ഷണം കഴിക്കുന്നത് അത് നിങ്ങളുടെ സ്വഭാവത്തെ സൂചിപ്പിക്കുന്നു. ഭക്ഷണവുമായി ബന്ധപ്പെട്ട ശീലങ്ങൾക്ക് യഥാർത്ഥത്തിൽ ഒരു വ്യക്തിയുടെ വ്യക്തിത്വത്തിൻ്റെയും പെരുമാറ്റ പ്രവണതകളുടെയും വശങ്ങൾ വെളിപ്പെടുത്താൻ കഴിയുമെന്ന് ഗവേഷകർ പറയുന്നു.
നിങ്ങൾ പതുക്കെ ഭക്ഷണം കഴിക്കുന്ന ആളാണോ?
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
സാവധാനത്തിൽ ഭക്ഷണം കഴിക്കുന്ന നിരവധി പേരെ നിങ്ങൾ കണ്ടിട്ടുണ്ടാകും. സാവധാനത്തിൽ ഭക്ഷണം കഴിക്കുന്നവർ സാധാരണയായി അവർ ഭക്ഷണം ആസ്വദിച്ച് കഴിക്കുകയാണ് ചെയ്യാറുള്ളത്. സാവധാനത്തിൽ ഭക്ഷണം കഴിക്കുന്നവർ അവരുടെ കഴിവുകളിൽ ആത്മവിശ്വാസമുള്ളവരാണ്. വളരെ സാവധാനം ഭക്ഷണം കഴിക്കുന്ന ഒരാളാണ് നിങ്ങളെങ്കിൽ ജീവിതത്തിലുണ്ടാകുന്ന എന്ത് പ്രശ്നങ്ങളും രമ്യമായി പരിഹരിക്കാൻ നിങ്ങൾക്ക് കഴിയും എന്നാണ് ഗവേഷകർ പറയുന്നത്.
വേഗത്തിൽ ഭക്ഷണം കഴിക്കുന്ന ആളാണോ?
വേഗത്തിൽ ഭക്ഷണം കഴിക്കുന്നവർ സാധാരണയായി മികച്ച മൾട്ടി ടാസ്‌ക്കർമാരാണ്. എല്ലാം നേടാനുള്ള അവരുടെ ഓട്ടത്തിൽ ജീവിതത്തിലെ ചെറിയ സന്തോഷങ്ങൾ നഷ്ടപ്പെട്ടേക്കാം. ജീവിതം ആസ്വദിക്കാൻ അവർ മറന്ന് പോകുന്നു.
മാത്രമല്ല, ഭക്ഷണം വേഗത്തിൽ കഴിക്കുന്നവർ അതിതീവ്രമായ ആഗ്രഹങ്ങളുള്ളവരാണെന്നും ഗവേഷകർ ചൂണ്ടിക്കാട്ടുന്നു. ഇവരിൽ ക്ഷമ കുറവാണെന്നും പലവിധത്തിലുള്ള കഴിവുകൾ ഉള്ളവരായിരിക്കുമെന്നും ഫുഡ് സയൻസ് പ്രൊഫസറും പെൻ സ്റ്റേറ്റ് കോളേജ് ഓഫ് അഗ്രികൾച്ചറൽ സയൻസസിലെ സെൻസറി ഇവാലുവേഷൻ സെൻ്ററിൻ്റെ ഡയറക്ടറുമായ ജോൺ ഹെയ്സ് പറയുന്നു.
