സ്പോർട്സ് ഡെസ്ക്ക് : ഓസീസിനെതിരായ ഏകദിന പരമ്പര ഇന്ത്യ നേടിയതിന് പിന്നാലെ ലോകകപ്പിനൊരുങ്ങുന്ന മറ്റ് ടീമുകള്‍ക്ക് മുന്നറിയിപ്പുമായി ഇംഗ്ലണ്ട് മുന്‍ നായകന്‍ മൈക്കല്‍ വോണ്‍. ഇന്ത്യയെ തോല്‍പ്പിക്കുന്നവര്‍ ഇത്തവണ ലോകകപ്പ് സ്വന്തമാക്കുമെന്ന് വോണ്‍ എക്‌സില്‍ കുറിച്ചു.
ഇപ്പോള്‍ ഒന്ന് കൂടി വ്യക്തമായി. ഇന്ത്യയെ തോല്‍പ്പിക്കുന്നവര്‍ ഇത്തവണ ലോകകപ്പ് നേടും.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
ഇന്ത്യന്‍ പിച്ചുകളില്‍ ഇന്ത്യയുടെ ബാറ്റിംഗ് നിരക്ക് എതിരാളികളെ പരിഹാസ്യരാക്കാനാകും. അതിന് പുറമേ അവര്‍ക്ക് എല്ലാതരത്തിലുള്ള ബോളിംഗ് വൈവിധ്യവുമുണ്ട്. ലോകകപ്പ് നേടുന്നതില്‍ നിന്ന് അവരെ തടയുന്ന ഒരേയൊരു കാര്യം പ്രതീക്ഷകളുടെ സമ്മര്‍ദ്ദം മാത്രമായിരിക്കും- വോണ്‍ കുറിച്ചു.
ഓസ്ട്രേലിയക്കെതിരായ മൂന്ന് മത്സര പരമ്പര ഏകദിന പരമ്പര ഇന്ത്യ സ്വന്തമാക്കിയിരിന്നു. ആദ്യ മത്സരത്തില്‍ 5 വിക്കറ്റിനും രണ്ടാം മത്സരത്തില്‍ 99 റണ്‍സിനും ജയിച്ച് മൂന്ന് മത്സര പരമ്പര ഇന്ത്യ 2-0ന് ഉറപ്പിച്ചിരിക്കുകയാണ്. പരമ്പരയിലെ മൂന്നാം മത്സരം ബുധനാഴ്ച നടക്കും.
