കോട്ടയം : മാന്നാനം കുര്യാക്കോസ് ഏലിയാസ് ഇംഗ്ലീഷ് മീഡിയം സ്കൂളിൽ നടന്ന എ എസ് ഐ എസ് സി കേരള റീജണൽ സ്കൂൾ ‘ രംഗോത്സവ് 2024 ‘ ന് തിരശ്ശീല വീണു. കോട്ടയം ജില്ലാ പഞ്ചായത്ത് മെമ്പർ റോസമ്മ സോണിയുടെ അധ്യക്ഷതയിൽ ചേർന്ന സമാപനസമ്മേളനത്തിൽ ബാലതാരവും ഫ്ലവേഴ്സ് ടോപ് സിംഗർ ഫെയിമുമായ കുമാരി അന്നാ റോസ് ആൻറണി (അന്നക്കുട്ടി) വിശിഷ്ടാതിഥിയായിരുന്നു. എ എസ് ഐ എസ് സി കേരള റീജിയണൽ സെക്രട്ടറിയും കെ ഇ സ്കൂൾ പ്രിൻസിപ്പലും ആയ റവ ജയിംസ് മുല്ലശ്ശേരി സി എം ഐ, വൈസ് പ്രസിഡൻറ് സിസ്റ്റർ ലിൻസി ജോർജ്, എഎസ് ഐ എസ് സി കേരള റീജിയണൽ കൾച്ചറൽ ഫെസ്റ്റ് കോഡിനേറ്റർ റവ. ഫാ. ഷിനോ കളപ്പുരക്കൽ, കെ ഇ സ്കൂൾ പിടിഎ പ്രസിഡൻറ് അഡ്വ. ജയ്സൺ ജോസഫ്, വൈസ് പ്രസിഡൻ്റ് ഇന്ദു.പി.നായർ ,വൈസ് പ്രിൻസിപ്പൽമാരായ ഷാജി ജോർജ് ,റോയ് മൈക്കിൾ ,സ്കൂൾ ലീഡർ തോമസ് എബി, ജിയാൻ മരിയ തുടങ്ങിയവർ സന്നിഹിതരായിരുന്നു. രണ്ടു ദിവസങ്ങളിലായി നടന്ന മത്സരങ്ങളിൽ കാറ്റഗറി 3 ,4,5 വിഭാഗങ്ങളിൽ മൂന്നിലും തൃശ്ശൂർ പൂങ്കുന്നം ഹരിശ്രീ വിദ്യാനിധി സ്കൂൾ ഓവറോൾ ചാമ്പ്യൻഷിപ്പ് കരസ്ഥമാക്കി.വിജയികൾക്ക് വിശിഷ്ടാതിഥി കുമാരി അന്ന റോസ് ആൻറണി സമ്മാനദാനം നിർവഹിച്ചു. രംഗോത്സവ് 2024 ന്റെ വിജയത്തിനു പിന്നിൽ പ്രവർത്തിച്ച എല്ലാവർക്കും ഏറെ സ്നേഹത്തോടെ കൃതജ്ഞത അർപ്പിക്കുന്നതായി എ എസ് ഐ എസ് സി ദേശീയപ്രസിഡന്റും രംഗോത്സവത്തിന് ആതിഥേയത്വം വഹിച്ച കെ ഇ സ്കൂൾ പ്രിൻസിപ്പലുമായ റവ. ഡോ. ജെയിംസ് മുല്ലശ്ശേരി സി എം ഐ അറിയിച്ചു.
