ഐഎസ്ആര്‍ഒ യുടെ ‘കൗണ്ട്ഡൗൺ ശബ്ദം’ നിലച്ചു; ശാസ്ത്രജ്ഞ വളര്‍മതി അന്തരിച്ചു; ചന്ദ്രയാൻ 3 അവസാനം ദൗത്യം

ചെന്നൈ: ഐഎസ്ആര്‍ഒ ശാസ്ത്രജ്ഞ എന്‍ വളര്‍മതി ( 64) അന്തരിച്ചു. ഹൃദയാഘാതത്തെ തുടര്‍ന്ന് ചെന്നൈയിലായിരുന്നു അന്ത്യം. ചന്ദ്രയാന്‍ 3 വിക്ഷേപണ ദൗത്യമടക്കം നിരവധി വിക്ഷേപണങ്ങള്‍ക്ക് പിന്നിലെ കൗണ്ട്ഡൗൺ ശബ്ദമായിരുന്നു വളര്‍മതി.

തമിഴ്നാട്ടിലെ അരിയല്ലൂരിൽ 1959 ജൂലൈ 31 ന് ജനിച്ച വളർമതി 1984ൽ ഐഎസ്ആർഒയിൽ ചേര്‍ന്നത്. ഇന്ത്യ തദ്ദേശീയമായി വികസിപ്പിച്ച ആദ്യത്തെ റഡാർ ഇമേജിങ് സാറ്റലൈറ്റായ റിസാറ്റ്-1ന്‍റെ പ്രോജക്ട് ഡയറക്ടറായിരുന്നു വളര്‍മതി. 2012 ഏപ്രിലിലാണ് റിസാറ്റ്-1 വിജയകരമായി വിക്ഷേപിച്ചത്.

ഇന്ത്യയുടെ മിസൈല്‍ മാനും മുന്‍ രാഷ്ട്രപതിയുമായ ഡോ. എപിജെ അബ്ദുൾ കലാമിന്റെ സ്മരണയ്ക്കായി തമിഴ്‌നാട് സർക്കാർ ഏർപ്പെടുത്തിയ അബ്ദുൾ കലാം പുരസ്കാരം ആദ്യം ലഭിച്ചത് വളര്‍മതിയ്ക്കാണ്. 2015ലാണ് തമിഴ്നാട് സര്‍ക്കാര്‍ വളര്‍മതിയെ ഈ പുരസ്കാരം നല്കി ആദരിച്ചത്.