ദില്ലി: പാലക്കാട് – കോഴിക്കോട് ദേശീയപാതയിലെ പനയമ്പാടത്ത് സിമന്റ് ലോറി മറിഞ്ഞ് നാല് വിദ്യാർഥിനികള് മരിച്ച സംഭവത്തിന് പിന്നാലെ റോഡ് നിർമാണത്തിലെ അപാകത ചൂണ്ടിക്കാട്ടി ഗതാഗതമന്ത്രി കെ.ബി. ഗണേഷ് കുമാർ. മാധ്യമപ്രവർത്തകരോട് സംസാരിക്കവെയാണ് ഗണേഷ് കുമാർ ഇക്കാര്യം പറഞ്ഞു. ദേശീയപാതയടക്കമുള്ള പ്രധാന റോഡുകള് ഡിസൈൻ ചെയ്യുന്നത് പലപ്പോഴും കോണ്ട്രാക്ടര്മാരാണെന്നും ഗൂഗിള് മാപ്പ് നോക്കിയാണ് ഡിസൈൻ ചെയ്യുന്നതെന്നും വിദഗ്ധർക്ക് വലിയ പങ്കില്ലെന്നും അദ്ദേഹം പറഞ്ഞു.
പലയിടത്തും ഹൈവേ നിര്മാണത്തില് എന്ജിനിയര്മാര്ക്ക് വലിയ പങ്കില്ലാത്ത അവസ്ഥയാണ്. നിര്മാണച്ചുമതല ഏല്പ്പിച്ചിരിക്കുന്ന കമ്പനികളുടെ കോണ്ട്രാക്ടർമാരാണ് കാര്യങ്ങള് തീരുമാനിക്കുന്നത്. ഗൂഗിള് മാപ്പ് നോക്കിയാണ് ഡിസൈൻ ചെയ്യുന്നത്. അതുകൊണ്ടുതന്നെ പ്രാദേശികമായ കാര്യങ്ങള് പരിഗണിക്കില്ല.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
ലോകബാങ്കിന്റെ റോഡുകള് പോലെ, പ്രാദേശിക എന്ജിനീയര്മാരെയോ പ്രാദേശിക ജനപ്രതിനിധികള്ക്കോ യാതൊരു പങ്കുമില്ല. ഗൂഗിള് മാപ്പ് വഴി റോഡ് ഡിസൈന് ചെയ്തശേഷം പണം നല്കുകയാണ് ചെയ്യുന്നതെന്നും അദ്ദേഹം പറഞ്ഞു.
