ഇംഗ്ലണ്ടിനെതിരായ അടുത്തിടെ നടന്ന പരമ്ബരയില്‍ കെ. എല്‍ രാഹുലിനെ ആറാം നമ്ബറില്‍ ഇറക്കിയ തീരുമാനത്തിനെതിരെ കെവിൻ പീറ്റേഴ്‌സണ്‍. ഇടത്-വലത് ബാറ്റിംഗ് കോമ്ബിനേഷൻ നിലനിർത്താനുള്ള ശ്രമത്തില്‍, ഇന്ത്യ ആദ്യ രണ്ട് മത്സരങ്ങളില്‍ അക്സർ പട്ടേലിനെ അഞ്ചാം നമ്ബറിലേക്ക് ഇറക്കി പരീക്ഷണം നടത്തിയതിനാലാണ് ഇന്ത്യ രാഹുലിനെ ആറാം നമ്ബറില്‍ ഇറക്കി പരീക്ഷണം നടത്തിയത്.
എന്തായാലും ഈ നീക്കം വിജയകരമായിരുന്നു, അക്സർ 52 റണ്‍സും പുറത്താകാതെ 41* റണ്‍സും നേടി ഈ മത്സരങ്ങളില്‍ തിളങ്ങി ഇന്ത്യയ്ക്ക് വിജയങ്ങള്‍ സമ്മാനിച്ചു. എന്നിരുന്നാലും, രണ്ട് ഇന്നിംഗ്‌സുകളിലുമായി രാഹുലിന് 12 റണ്‍സ് മാത്രമേ നേടാനായുള്ളൂ. അവസാന ഏകദിനത്തില്‍, രാഹുലിനെ 5-ാം നമ്പ റിലേക്ക് ഉയർത്തി അവിടെ 29 പന്തില്‍ 40 റണ്‍സുമായി തിളങ്ങി വിമർശകർക്ക് മറുപടി നല്‍കി.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
ഒരു സ്റ്റാർ സ്‌പോർട്‌സ് സെഗ്‌മെൻ്റില്‍ ഇന്ത്യൻ ബാറ്റിംഗ് ലൈനപ്പില്‍ രാഹുലിൻ്റെ പങ്കിനെക്കുറിച്ച്‌ അഭിപ്രായപ്പെട്ട പീറ്റേഴ്‌സണ്‍ ഇങ്ങനെ പറഞ്ഞു:
‘കെ.എല്‍. രാഹുല്‍ അഞ്ചാം നമ്ബറില്‍ ബാറ്റ് ചെയ്യാനാണ് ഞാൻ ഇഷ്ടപ്പെടുന്നത്, കാരണം അദ്ദേഹത്തിന് കൂടുതല്‍ ഡെലിവറികള്‍ നേരിടാനും സമയം ലഭിക്കണമെന്ന് ഞാൻ ആഗ്രഹിക്കുന്നു. 17 ഓവർ ശേഷിക്കെയാണ് അദ്ദേഹം കളത്തിലിറങ്ങിയത്, അത് തൻ്റെ ഇന്നിംഗ്സ് കെട്ടിപ്പടുക്കാൻ അദ്ദേഹത്തിന് നല്ല സമയം നല്‍കി. ഏതാനും ഓവറുകള്‍ മാത്രം ബാക്കിനില്‍ക്കെ വേഗത്തില്‍ റണ്ണുകള്‍ അടിച്ചുപൊളിക്കാൻ കഴിയുന്ന തരത്തിലുള്ള കളിക്കാരനല്ല രാഹുല്‍. അയാള്‍ക്ക് സമയം എടുത്താല്‍ മാത്രമേ കളിക്കാൻ സാധിക്കു.’
‘രാഹുല്‍ അഞ്ചാം നമ്ബറില്‍ തന്നെ ഇറങ്ങട്ടെ. അതില്‍ തെറ്റൊന്നും ഇല്ല. അനാവശ്യ റിസ്‌ക്കുകളും പരീക്ഷണങ്ങളും ഒഴിവാക്കുക. അക്സർ പട്ടേല്‍ ആറാം നമ്ബറില്‍ ഇറങ്ങട്ടെ. അയാള്‍ക്ക് അവിടെയും തിളങ്ങാൻ സാധിക്കും.’ എന്തായാലും ഇന്ത്യൻ ചാമ്ബ്യൻസ് ട്രോഫിയില്‍ പരീക്ഷണങ്ങള്‍ നടത്തരുതെന്ന ആവശ്യം ശക്തമാണ്.