കോട്ടയം : മൂലവട്ടം കുറുപ്പംപടിയിൽ കാറും ബൈക്കും കൂട്ടിയിടിച്ച് മൂന്ന് യുവാക്കൾക്ക് ഗുരുതര പരിക്ക്. ഡ്യൂക്ക് ബൈക്ക് കാറുമായി കൂട്ടിയിടിച്ചാണ് അപകടം ഉണ്ടായത്. അപകടത്തിൽ പരിക്കേറ്റ മൂന്നു പേരെ കോട്ടയം ജില്ല ജനറൽ ആശുപത്രിയിൽ പ്രവേശിപ്പിച്ചു. ചൊവ്വാഴ്ച രാത്രി പത്തരയോടെ മൂലവട്ടം കുറുപ്പംപടിയിലായിരുന്നു അപകടം. കോട്ടയം ഭാഗത്ത് നിന്നും എത്തിയ കാറും , എതിർ ദിശയിൽ നിന്ന് എത്തിയ ഡ്യൂക്ക് ബൈക്കും കൂട്ടിയിടിക്കുകയായിരുന്നു. അപകടത്തെ തുടർന്ന് കാറിൻറെ മുൻഭാഗം പൂർണ്ണമായും തകർന്നു. കാറിൽ ഇടിച്ചതിനെ തുടർന്ന് ബൈക്കിൽ നിന്നും യുവാവ് മീറ്ററുകളോളം ദൂരെയാണ് തെറിച്ചുവീണത്. ഗുരുതരമായി പരിക്കേറ്റ മൂന്നുപേരിൽ ജില്ലാ ജനറൽ ആശുപത്രിയിൽ പ്രവേശിപ്പിച്ചു. കാർ റോഡിന് നടുവിൽ കിടക്കുന്നതിനാൽ നേരിയ ഗതാഗത തടസ്സവും ഉണ്ടായിട്ടുണ്ട്. മണിപ്പുഴ ദിവാൻ കവല റോഡിലാണ് അപകടം ഉണ്ടായത്.
Advertisements
