കോട്ടയം : കോട്ടയം പാമ്പാടി വെള്ളൂരിൽ വീട്ടുമുറ്റത്ത് പൊള്ളലേറ്റ നിലയിൽ കണ്ടെത്തിയ യുവതി മരിച്ചു. പാമ്പാടി വെള്ളൂര്‍ പായിപ്രയില്‍ സാംസക്കറിയയുടെ ഭാര്യ വിനി സാമാണ് മെഡിക്കൽ കോളജ് ആശുപത്രിയിൽ മരിച്ചത്. ശനിയാഴ്ച രാവിലെ 11 മണിയോടെയാണ് ഇവരെ പൊള്ളലേറ്റ നിലയിൽ കണ്ടെത്തിയത്. ഇവരെ രക്ഷിക്കാൻ ശ്രമിച്ച ഭർത്താവ് സാം സക്കറിയയെയും പൊള്ളലോടെ കോട്ടയം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചിരുന്നു. ഞായറാഴ്ച ഉച്ചയോടെയാണ് മരണം സംഭവിച്ചത്. പൊള്ളലേറ്റ നിലയിൽ കണ്ടെത്തിയത് പോലീസിനെ ആക്രമിച്ച കേസിലെ പ്രതിയുടെ ഭാര്യയെയാണ് പൊള്ളലേറ്റ നിലയിൽ വീട്ടുമുറ്റത്ത് കണ്ടെത്തിയത്. പാമ്പാടി പോലീസ് സ്റ്റേഷനിലെ സിവിൽ പോലീസ് ഓഫീസർ ജിബിൻ ലോബോയെ ആക്രമിച്ചു പരിക്കേൽപ്പിച്ച കേസിലെ പ്രതിയായ പാമ്പാടി വെള്ളൂര്‍ പായിപ്രയില്‍ സാംസക്കറിയയുടെ ഭാര്യയെയാണ് പൊള്ളലേറ്റ നിലയിൽ വീട്ടുമുറ്റത്ത് കണ്ടെത്തിയത്. 2023 മെയിൽ ഇവരെ ആക്രമിച്ച കേസിലാണ് പൊലീസ് സാം സക്കറിയയെ അറസ്റ്റ് ചെയ്യാൻ വീട്ടിൽ എത്തിയത്.
