പനച്ചിക്കാട് : എസ്എസ്എൽസി പരീക്ഷയിൽ നൂറുമേനി വിജയം നേടി ചിങ്ങവനം എൻഎസ്എസ് ഹയർ സെക്കൻഡറി സ്കൂൾ . സദനം സ്കൂൾ എന്നറിയപ്പെടുന്ന ഈ വിദ്യാദ്യാസസ്ഥാപനത്തിൽ 92 ആൺകുട്ടികളും 56 പെൺകുട്ടികളും ഉൾപ്പെടെ ഈ വർഷം 148 വിദ്യാർത്ഥികളാണ് എസ് എസ് എൽ സി പരീക്ഷ എഴുതിയത് . തുടർച്ചയായി പത്താം തവണയാണ് സദനം സ്കൂൾ നൂറ് ശതമാനം വിജയം കരസ്ഥമാക്കുന്നത് . ഇവരിൽ ആംത പ്രശാന്ത്, ഗീതിക ജി നായർ, അഭിരാം എ കെ , ആദർശ് ലെനിൻ, അനന്ദു സി എസ് , അരുൾജിത്ത് എ, അശ്വിനി എം എസ്, അതുല്യ സന്തോഷ്, അയാന അനിയൻ, അയാന കെ അഭിലാഷ്, കാർത്തിക് കുഞ്ഞുമോൻ, മിർസ മറിയം മാത്യൂസ്, ദേവൂ ലിബിൻ എന്നീ വിദ്യാർത്ഥികൾ മുഴുവൻ വിഷയങ്ങൾക്കും എ പ്ലസ് നേടി. പത്ത് വർഷം തുടർച്ചയായി ഉന്നത വിജയം നേടി , ഗ്രാമീണ അന്തരീക്ഷത്തിൽ സ്ഥിതി ചെയ്യുന്ന സ്കൂളിൻ്റെ അഭിമാനം വാനോളം ഉയർത്തിയ വിദ്യാർത്ഥികളെയും കഠിനാദ്ധ്വാനം ചെയ്ത അദ്ധ്യാപകരെയും അനുമോദിക്കുന്നതായി പനച്ചിക്കാട് ഗ്രാമ പഞ്ചായത്ത് വൈസ് പ്രസിഡൻ്റ് റോയി മാത്യു പറഞ്ഞു .
