കോട്ടയം : വൈക്കത്ത് ബൈക്കും, സ്കൂട്ടറും കൂട്ടിയിടിച്ചു. വൈക്കം കച്ചേരി കവലയിൽ അമിത വേഗതയിൽ യുവാക്കൾ ഓടിച്ച ബൈക്കും മറ്റൊരു സ്കൂട്ടറും കൂട്ടിയിടിച്ച് അപകടം. അപകടത്തിന്റെ സിസിടിവി ദൃശ്യങ്ങൾ പുറത്ത് വന്നു. ഞായറാഴ്ച വൈകുന്നേരം 4:20 ഓടെയാണ് അപകടമുണ്ടായത്. ടി.വി പുരം റോഡിലേക്ക് പോകുകയായി യുവാക്കളുടെ ബൈക്കിൽ, പടിഞ്ഞാറേനട റോഡിലൂടെ വരികയായിരുന്ന യാത്രക്കാരന്റെ സ്കൂട്ടർ ഇടിക്കുകയായിരുന്നു.
ഇടിയുടെ ആഘാതത്തിൽ യാത്രക്കാർ തെറിച്ച് വീഴുകയായിരുന്നു. എന്നാൽ ആരും ഗുരുതരമായി പരുക്കേൽക്കാതെ രക്ഷപ്പെട്ടു. ഇതിന് പിന്നാലെ അപകട ശേഷം യുവാക്കൾ ഓടി രക്ഷപ്പെട്ടു. ആർക്കും പരാതിയില്ലാത്തതിനാൽ കേസ് എടുത്തിട്ടില്ലെന്ന് വൈക്കം പൊലീസ് വ്യക്തമാക്കി. നാല് ദിക്കിൽ നിന്നും ഉള്ള റോഡ് സംഗമിക്കുന്ന ഈ കച്ചേരി കവല ജംഗ്ഷനിൽ അപകടങ്ങൾ പതിവാണെന്നും നാട്ടുകാർ പറയുന്നു. ഇതിനാൽ സ്പീഡ് ബ്രേക്കർ അടക്കമുള്ളവ ഇവിടെ സ്ഥാപിക്കണമെന്നുള്ള ആവശ്യവും ഉയർന്നിട്ടുണ്ട്.
