കോട്ടയം : മെഡിക്കൽ കോളജ് റോഡിൽ തിരുവാറ്റയിൽ നിയന്ത്രണം നഷ്ടമായ കാർ റോഡരികിലെ മരത്തിലിടിച്ച് വൈദ്യുതി പോസ്റ്റും മതിലും തകർത്തു. അപകടത്തിൽ ഏറ്റുമാനൂർ സ്വദേശിയായ യാത്രക്കാരന് പരിക്കേറ്റു. വെള്ളിയാഴ്ച പുലർച്ചെ ഒരു മണിയോടുകൂടി തിരുവാറ്റ ജംഗ്ഷന് സമീപമായിരുന്നു അപകടമുണ്ടായത്. കോട്ടയം ഭാഗത്തുനിന്നും എത്തിയ കാർ നിയന്ത്രണം നഷ്ടമായി റോഡരികിലെ ബദാം മരത്തിൽ ഇടിക്കുകയായിരുന്നു. ഇടിയുടെ ആഘാതത്തിൽ നിയന്ത്രണം നഷ്ടമായ കാർ റോഡരികിലെ വൈദ്യുതി പോസ്റ്റ് തകർത്തു. തുടർന്ന് മതിലിൽ ഇടിച്ചാണ് കാർ നിന്നത്. കാർ പൂർണമായും തകർന്നു. ട്രെയിൻ ഉപയോഗിച്ച് കെട്ടി വലിച്ച് ആണ് സംഭവസ്ഥലത്തു നിന്നും കാർ നീക്കം ചെയ്തത്. അപകടത്തിൽ ആർക്കും ഗുരുതരമായി പരിക്കേറ്റില്ല. കനത്ത മഴയെ തുടർന്ന് വാഹനം ബ്രേക്ക് ചെയ്തപ്പോൾ തെന്നിയതാണ് അപകടകാരണമെന്ന് സംശയിക്കുന്നു.
Advertisements
