കോട്ടയം നഗരസഭ തെരഞ്ഞെടുപ്പ് ; ആദ്യ ഘട്ട വോട്ടെടുപ്പിൽ 52ൽ 51 അംഗങ്ങൾ വോട്ട് രേഖപ്പെടുത്തി ; തെരഞ്ഞെടുപ്പ് ആവേശ ചൂടിലേക്ക്

കോട്ടയം : കോട്ടയം നഗരസഭ തെരഞ്ഞെടുപ്പിൽ ആദ്യ ഘട്ട വോട്ടെടുപ്പ്. 52 അംഗങ്ങൾ വോട്ട് രേഖപ്പെടുത്തേണ്ട തെരഞ്ഞെടുപ്പിൽ 51 അംഗങ്ങൾ വോട്ട് രേഖപ്പെടുത്തി. എൽഡിഎഫിന്റെ റ്റി എൻ മനോജ് രോഗാവസ്ഥയെ തുടർന്ന് വോട്ടിങിനായി എത്തിയില്ല.ഇതിൽ 22 യുഡിഎഫ് , 21 എൽഡിഎഫ് , എട്ട് ബിജെപി അംഗങ്ങളാണ് വോട്ടിങ്ങിൽ പങ്കെടുക്കുക. ഇതിൽ നിന്ന് ബി ജെ പിയുടെ 8 പേരെ മാറ്റി നിർത്തി രണ്ടാം റൗണ്ട് വോട്ടിംങ് നടത്തും.

ഇതിൽ നിന്നാണ് വിജയിയെ പ്രഖ്യാപിക്കുക. നീണ്ട 52 ദിവസങ്ങൾക്ക് ശേഷമാണ് കോട്ടയം നഗര സഭയിൽ ചെയർമാൻ തെരഞ്ഞെടുപ്പ് നടക്കുന്നത്. എൽഡിഎഫ് യുഡിഎഫ് മുന്നണികളും വിജയം പ്രതീക്ഷിക്കുന്ന തെരഞ്ഞെടുപ്പിൽ ആവേശം നിറയുന്ന റിസൾട്ടാകും ഉണ്ടാവുക.