കോട്ടയം: നീലിമംഗലത്ത് തടിലോറിയുടെ പിന്നിൽ നിയന്ത്രണം നഷ്ടമായ ഓട്ടോറിക്ഷ ഇടിച്ച് ഓട്ടോഡ്രൈവർക്ക് പരിക്ക്. ഓട്ടോഡ്രൈവറായ ചന്ദ്രേശഖരനാണ് പരിക്കേറ്റത്. ഞായറാഴ്ച പുലർച്ചെ നീലിമംഗലത്ത് എം.സി റോഡിലായിരുന്നു അപകടം. കോട്ടയം ഭാഗത്തു നിന്നും ഏറ്റുമാനൂർ ഭാഗത്തേയ്ക്ക് പോകുകയായിരുന്നു രണ്ടു വാഹനങ്ങളും. ഈ സമയം തടിലോറിയുടെ പിന്നിൽ ഓട്ടോറിക്ഷ ഇടിയ്ക്കുകയായിരുന്നുവെന്നാണ് അപകടം. അപകടത്തെ തുടർന്ന് പരിക്കേറ്റ ഡ്രൈവറെ നാട്ടുകാർ ചേർന്ന് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. ഇദ്ദേഹത്തെ അടിയന്തര ശസ്ത്രക്രിയയ്ക്ക് വിധേയയാക്കി.
Advertisements
