കോട്ടയം : കോട്ടയം പാക്കിൽ പതിനഞ്ചിൽപ്പടിയിൽ കുറുവാ സംഘം എത്തിയതായി പ്രദേശവാസികളുടെ സംശയം.പ്രദേശത്ത് കഴിഞ്ഞ ഒരാഴ്ചയായി തമിഴ് സംസാരിക്കുന്ന സ്ത്രീകളും പുരുഷന്മാരും അടങ്ങുന്ന അഞ്ചംഗ സംഘം വീടുകളിൽ കയറിയിറങ്ങുന്നതായി നാട്ടുകാർ ആരോപിക്കുന്നു . കഴിഞ്ഞദിവസം സംശയം തോന്നിയ നാട്ടുകാർ ഈ സംഘത്തിലെ ഒരാളോട് കാര്യങ്ങൾ തിരക്കിയപ്പോൾ നാട്ടുകാരോട് തട്ടിക്കയറുകയാണ് ഈ സംഘം ചെയ്തത്.പകൽ നേരങ്ങളിൽ പല സമയങ്ങളിൽ ആയിട്ടാണ് ഇവർ വീടുകളിൽ വന്നുകൊണ്ടിരുന്നത് എന്നും നാട്ടുകാർ പറയുന്നു.
Advertisements
ഇതിന്റെ പശ്ചാത്തലത്തിൽ ഇന്നലെ രാത്രി പത്തുമണി മുതൽ നാട്ടുകാർ സംഘം ചേർന്ന് ഈ കുറുവ സംഘത്തിനായുള്ള പരിശോധനകൾ സമീപപ്രദേശങ്ങളിൽ നടത്തിയിരുന്നു.ചിങ്ങവനം പോലീസിൽ പരാതി നൽകിയിട്ടുണ്ട്.ആളുക്കൾ രാത്രികാലങ്ങളിൽ ജാഗ്രത പാലിക്കണമെന്നും ഒറ്റയ്ക്ക് നേരിടാൻ പോകരുതെന്നും പോലീസ് സംഘം മുന്നറിയിപ്പ് നൽകി.
