കോട്ടയം: രണ്ടു ദിവസം മുൻപ് കാണാതായ റിട്ട.ബാങ്ക് ജീവനക്കാരന്റെ മൃതദേഹം തോട്ടിൽ കണ്ടെത്തി. പാറേച്ചാൽ ബൈപ്പാസിന് സമീപം താമസിക്കുന്ന കാരാപ്പുഴ സന്തോഷ് ഭവനിൽ മുരളീധരനെയാണ് മരിച്ച നിലയിൽ കണ്ടെത്തിയത്. തിങ്കളാഴ്ച രാവിലെയാണ് പാറേച്ചാൽ പുത്തൻ തോട്ടിൽ മൃതദേഹം കണ്ടെത്തിയത്. തുടർന്നു നാട്ടുകാർ വിവരം കോട്ടയം വെസ്റ്റ് പൊലീസിൽ അറിയിച്ചു. സ്ഥലത്ത് എത്തിയ പൊലീസ് സംഘം മൃതദേഹം കരയ്ക്ക് എത്തിച്ചു. തുടർന്നു, മൃതദേഹം മെഡിക്കൽ കോളേജ് ആശുപത്രി മോർച്ചറിയിലേയ്ക്കു മാറ്റി. വിഷു ദിവസം മുതൽ ഇദ്ദേഹത്തെ കാണാനില്ലെന്നു നാട്ടുകാർ അറിയിച്ചു.
Advertisements
