കോട്ടയം : കോട്ടയം പുതുപ്പള്ളി വെട്ടത്ത് കവലയിൽ ബൈക്കും കാറും കൂട്ടിയിടിച്ച് അപകടം. പ്രദേശവാസിയായ യുവാവിന് ഗുരുതര പരിക്ക്. ബൈക്കിനെ ഇടിച്ചു തെറിപ്പിച്ച കാർ മീറ്ററുകളോളം റോഡിലൂടെ വലിച്ചു നീക്കി. ബൈക്ക് കാറിനടിയിൽ കുടുങ്ങിപ്പോവുകയായിരുന്നു. വെള്ളിയാഴ്ച വൈകിട്ട് മൂന്നുമണിയോടെ പുതുപ്പള്ളി വെട്ടത്ത് കവലയിൽ ആയിരുന്നു അപകടം.
പുതുപ്പള്ളി ഭാഗത്തേക്ക് പോവുകയായിരുന്ന കാർ എതിർ ദിശയിൽ നിന്നും എത്തിയ ബൈക്കിനെ ഇടിച്ചു തെറിപ്പിക്കുകയായിരുന്നു. ഓടി കൂടിയ നാട്ടുകാർ ചേർന്ന് കാർ ഉയർത്തിയാണ് അടിയിൽ കുടുങ്ങിയ ബൈക്കും യുവാവിനെയും വലിച്ച് പുറത്തെടുത്തത്. ഗുരുതരമായി പരിക്കേറ്റ ബൈക്ക് യാത്രക്കാരനായ പുതുപ്പള്ളി കോഴിമല സ്വദേശി അനന്തുവിനെ (24) ജില്ലാ ജനറൽ ആശുപത്രിയിൽ പ്രവേശിപ്പിച്ചു.തിരുവല്ല ബാറിലെ അഭിഭാഷകനാണ് കാറിൽ സഞ്ചരിച്ചിരുന്നത്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
അപകടത്തെ തുടർന്ന് നിയന്ത്രണം നഷ്ടമായ കാർ റോഡരികിലെ ഡിവൈഡറിൽ ഇടിച്ചാണ് നിന്നത്. അപകടത്തിൽ കാറിൻറെ മുൻഭാഗം പൂർണ്ണമായും തകർന്നു . അപകടത്തെ തുടർന്ന് പുതുപ്പള്ളി കറുകച്ചാൽ റോഡിൽ ഗതാഗത തടസ്സം നേരിട്ടു.
