കോട്ടയം: കെ.കെ റോഡിൽ കളത്തിപ്പടി താന്നിക്കപ്പടിയിൽ വാഹനാപകടം. നിയന്ത്രണം നഷ്ടമായ കാറുകൾ കൂട്ടിയിടിച്ച് അഞ്ചു വയസുള്ള കുട്ടിയ്ക്ക് പരിക്കേറ്റു. ചൊവ്വഴ്ച രാവലെ പത്ത് മണിയോടെ കളത്തിപ്പടി താന്നിയ്ക്കപ്പടിയിൽ പെട്രോൾ പമ്പിന് സമീപമായിരുന്നു അപകടം. കഴിഞ്ഞ ദിവസം ബൈക്കും സ്വകാര്യ ബസും കൂട്ടിയിടിച്ച് യുവാവ് മരിച്ച സ്ഥലത്തിനു സമീപമായിരുന്നു അപകടം ഉണ്ടായത്. കോട്ടയം ഭാഗത്തു നിന്നും എത്തിയ കാർ എതിർ ദിശയിൽ നിന്നും എത്തിയ കാറുമായി കൂട്ടിയിടിക്കുകയായിരുന്നു. ഇടിയുടെ ആഘാതത്തിൽ കാറിനുള്ളിലുണ്ടായിരുന്ന കുട്ടിയ്ക്ക് പരിക്കേറ്റു. ഇയാളെ കളത്തിപ്പടിയിലെ കാരിത്താസ് ആശുപത്രിയിൽ പ്രവേശിപ്പിച്ചു.
Advertisements
