കോട്ടയം : പാർക്കിങ്ങിനെച്ചൊല്ലിയുണ്ടായ തർക്കത്തെ തുടർന്ന് കോട്ടയം മുട്ടമ്പലത്ത് മുന്ന് പേർക്ക് വെട്ടേറ്റു. കാഞ്ഞിരപ്പള്ളി സ്വദേശി അൽത്താഫ് (42), പാമ്പാടി ഏഴാം മൈൽ സ്വദേശി സിജു (42) , ശരത്ത് എന്നിവർക്കാണ് വെട്ടേറ്റത്. പരിക്കേറ്റവരെ കോട്ടയം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. സംഭവവുമായി ബന്ധപ്പെട്ട് സഹോദരന്മാരായ മുട്ടമ്പലത്ത് വാടകയ്ക്ക് താമസിക്കുന്ന സഹോദരന്മാരായ അരുൺ സഖറിയ , ബ്രിജിത്ത് സഖറിയ എന്നിവരെ കോട്ടയം ഈസ്റ്റ് പോലീസ് കസ്റ്റഡിയിലെടുത്തു.
തിങ്കളാഴ്ച ഉച്ചയ്ക്ക് 12 മണിയോടുകൂടിയായിരുന്നു സംഭവങ്ങൾ. കെട്ടിട നിർമ്മാണത്തിനായി മുട്ടമ്പലം ഭാഗത്ത് എത്തിയതായിരുന്നു അൽത്താഫും ഒപ്പമുണ്ടായിരുന്നവരും. ഇവിടെ വാഹനം പാർക്ക് ചെയ്യുന്നതിന് ഒടുവിലുണ്ടായ തർക്കത്തിന് ഒടുവിൽ , അരുണും ബ്രിജിത്തും ചേർന്ന് മൂന്നു പേരെയും ആക്രമിക്കുകയായിരുന്നു എന്ന് നാട്ടുകാർ പറഞ്ഞു. തുടർന്ന് , മൂന്നു പേരെയും ആശുപത്രിയിൽ പ്രവേശിപ്പിച്ചു. രണ്ടു പ്രതികളെയും പോലീസ് കസ്റ്റഡിയിലെടുത്തു. ഇവരുടെ അറസ്റ്റ് രേഖപ്പെടുത്തും.
