ഇന്ത്യൻ ഗ്രാമങ്ങളെ കോട്ടയത്ത്‌ എത്തിക്കാൻ കുടുംബശ്രീയുടെ ദേശീയ സരസ് മേള 14 മുതൽ

കോട്ടയം: കുടുംബശ്രീയുടെ എട്ടാമത് ദേശീയ സരസ് മേള ഡിസംബർ 14 മുതൽ 24 വരെ കോട്ടയത്ത് നടക്കും. കോട്ടയം നാഗമ്പടം മൈതാനത്താണ് ഏറ്റവും വലിയ ദേശീയ മേള ഒരുങ്ങുന്നത്. രാജ്യത്തെ ഗ്രാമീണ ഉൽപന്നങ്ങളുടെ വിപുലമായ വിപണന മേളയാണ് സരസ്. 250 വിപണന സ്റ്റാളുകളാണ് മേളയ്ക്കുണ്ടാവുക.

മറ്റു സംസ്ഥാനങ്ങളിൽ നിന്നുള്ള ഉൽപന്നങ്ങൾ വിൽക്കുന്നതിനായി 90 സ്റ്റാളുകളുണ്ടാകും. രാജ്യത്തെ തനതു രുചി വിഭവങ്ങൾ പരിചയപ്പെടുത്തുന്ന 25 സ്റ്റാളുകളുള്ള ഭക്ഷ്യമേളയും നടക്കും. ദിവസേന കലാപരിപാടികളും വിവിധ വിഷയങ്ങളിൽ സെമിനാറുകളും നടക്കും. 75000 ചതുരശ്രയടിയുള്ള പന്തലാണ് നാഗമ്പടത്ത് ഉയരുക. പ്രവേശനം സൗജന്യമാണ്. ഹരിതപ്രോട്ടോക്കോൾ പാലിച്ചാണ് മേള നടക്കുക. രാജ്യത്തിന്റെ വിവിധ ഭാഗങ്ങളിൽനിന്നെത്തുന്ന ഉത്പന്നങ്ങൾ പരിചയപ്പെടുന്നതിനും കുടുംബശ്രീ വ്യവസായ സംരംഭങ്ങളുടെ വളർച്ചയ്ക്കും മേള ഉപകരിക്കും.


നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube

ഇന്ത്യയിലെ വിവിധ സംസ്ഥാനങ്ങളിലെ 250 ഗ്രാമീണ സംരംഭങ്ങളുടെ ഉൽപ്പന്നങ്ങൾ മേളയിലൂടെ വാങ്ങാം. 20 സംസ്ഥാനങ്ങളിൽനിന്നായി 65 വനിത സ്വയംസഹായ സംഘങ്ങ ളും 140 കുടുംബശ്രീ സംരംഭങ്ങളും 30 ഐ.ആർ.ഡി.പി. സംരംഭകരും മേളയിൽ പങ്കെടുക്കും. 120 വനിതാ ഷെഫുമാർ പങ്കെടുക്കുന്ന ഇന്ത്യ ഫുഡ് കോർട്ട് ഭക്ഷ്യമേള രുചിവൈവിധ്യങ്ങളുടെ കലവറയൊരുക്കും. എല്ലാ ദിവസവും കലാപരിപാടികൾ അരങ്ങേറും. വിവിധ വിഷയങ്ങളിൽ സെമിനാറുകൾ നടക്കും

Hot Topics

Related Articles